Sunday , 5 February 2023
Home Gazeti Habari Mchanganyiko Biteko: Ushirikiano kati ya Tanzania, Canada umeimarisha sekta ya madini
Habari Mchanganyiko

Biteko: Ushirikiano kati ya Tanzania, Canada umeimarisha sekta ya madini

Spread the love

 

WAZIRI wa Madini Dkt. Doto Biteko amesema ushirikiano uliopo kati ya Tanzania na Canada katika sekta ya madini umeendelea kuimarika hususan katika masuala ya utafiti wa madini. Anaripoti Mwandishi Wetu, Dodoma … (endelea).

Dk. Biteko ameyabainisha hayo leo 19 Januari, 2023 mara baada ya kukutana na kufanya mazungumzo na Balozi wa Canada nchini Tanzania, Kyle Nunas Ofisini kwake Mtumba Jijini Dodoma.

Dk. Biteko amesema baadhi ya maeneo yenye shughuli za uchimbaji wa madini nchini Tanzania yaligunduliwa na kampuni za utafiti kutoka nchini Canada hivyo, upo ushirikiano mkubwa kwenye sekta ya madini kati ya nchi hizo mbili.

Aidha, Dk. Biteko amemweleza Balozi Nunas kuhusu mabadiliko yaliyofanywa katika Sheria ya Madini ya Mwaka 2010 yaliyofanyika Mwaka 2017 likiwemo suala la ufungaji wa migodi, mazingira, na miongozo ya upatikanaji wa leseni za utafiti, leseni za uchimbaji mdogo, wa kati na mkubwa.

Pia, Dk. Biteko amesema Sheria ya Madini inazitaka kampuni zote za utafiti nchini kutoa taarifa za utafiti kila baada ya miezi mitatu ambapo kushindwa kufanya hivyo ni kosa kisheria.

Pamoja na mambo mengine, Dk. Biteko ametoa wito kwa kampuni kutoka Canada kuwekeza Tanzania hususan katika sekta ya Madini ambapo amesema Kanuni na Miongozo mbalimbali katika sekta ya Madini inamlinda mwekezaji ili anufaike na watanzania wanufaike na uwekezaji huo.

Pia, Dk. Biteko amesema Tanzania imebarikiwa kuwa na madini mbalimbali yakiwemo madini ya kimkakati yanayohitajika zaidi kwenye matumizi ya teknolojia za kisasa ikiwemo magari yanayotumia nishati ya umeme.

Mazungumzo hayo pia yamemuhusisha Naibu Waziri wa Madini Dk. Steven Kiruswa, Naibu Katibu Mkuu Wizara ya Madini Msafiri Mbibo.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoTangulizi

Haya hapa majina 12 ya familia moja waliofariki kwenye ajali Tanga

Spread the love  MAJINA 12 kati ya 17 ya waliofariki dunia katika...

Habari Mchanganyiko

Rais Samia awalilia 17 waliofariki ajalini wakisafirisha maiti

Spread the love  RAIS Samia Suluhu Hassan, ametuma salamu za rambirambi kwa...

Habari Mchanganyiko

Wanawake wachimbaji wajenga zahanati kuokoa afya za wakazi 2000

Spread the love  ZAIDI wakazi 2,000 wa kijiji cha Nyamishiga Kata ya...

Habari Mchanganyiko

Baada ya Congo DR, Somalia mbioni kujiunga na EAC

Spread the love  TAIFA la Somalia liko mbioni kuwa mwanachama rasmi wa...

error: Content is protected !!