Friday , 1 March 2024
Home Gazeti Habari za Siasa Shilingi 29 bil kujenga kituo kipya cha Ubungo
Habari za SiasaTangulizi

Shilingi 29 bil kujenga kituo kipya cha Ubungo

Abiria wakiwa katika harakati za usafiri katika kituo cha Mabasi Ubungo
Spread the love

UJENZI wa kituo kipya cha Mabasi cha Ubungo kinachotarajiwa kujengwa maeneo ya Mbezi Luis kinakadiliwa kutumia Sh. 28.72 bilioni, anaandika Dany Tibason.

Naibu Waziri wa Nchi Ofisi ya Rais TAMISEMI, Selemani Jafo amesema gharama za ujenzi wa kituo hicho zimekadiriwa kuwa Sh. 28.71 bilioni zitazotolewa kwa ushirikiano wa Halmashauri ya Jiji na Mfuko wa Hifadhi ya Jamii wa Serikali za Mitaa (LAPF).

Jafo alitoa maelezo hayo bungeni akijibu swali la Mbunge wa Ubungo, Saed Kubenea (Chadema) alitaka kujua serikali imefikia hatua gani katika kutekeleza ahadi katika utekelezaji wa kuhamisha kituo cha mabasi cha Ubungo.

“Serikali ilihaidi kuhamisha kituo cha mabasi cha Ubungo kukipeleka eneo la Mbezi jimbo la Kibamba lakini mpaka sasa jambo hilo halijatekelezwa.

“Je serikali imefikia hatua gani katika kutekeleza ahadi hiyo, Je mradi huo wa kuhamisha kituo cha mabasi unatarajia kutumia kiasi gani cha fedha,” alihoji Kubenea.

Jafo amesema hadi sasa tayari Halmashauri ya Jiji la Dar es Salaam kwa kushirikiana na wameanzisha kampuni ya ubia ya Mzizima Properties Limited ambayo itahusika na usimamizi na uendeshaji wa shughuli za kituo cha Mabasi cha Ubungo (UBT) kila siku.

Amesema kazi inayoendelea ni kumtafuta mtaalam mshauri kwa ajili ya kuthibitisha usanifu wa mwisho wa kina wa mradi ili kumpata mkandarasi wa ujenzi wa mradi.

Aidha amesema gharama halisi zitajulikana baada ya usanifu wa kina utakaofanywa na mtaalam mshauri.

Leave a comment

Leave a Reply

Your email address will not be published. Required fields are marked *

Related Articles

Habari za SiasaTangulizi

Rais Mwinyi kuzikwa Machi 2 visiwani Unguja

Spread the loveMWILI wa aliyekuwa Rais wa Awamu ya Pili wa Tanzania,...

Habari za SiasaTangulizi

Rais mstaafu Mwinyi afariki dunia

Spread the loveRais Mstaafu wa awamu ya pili wa Tanzania, Ally Hassan...

Habari za Siasa

Waziri mkuu Ethiopia atua Tanzania

Spread the loveWaziri Mkuu wa Jamhuri ya Kidemokrasia ya Shirikisho la Ethiopia,...

Habari za Siasa

Babu Owino: Vijana msibaki nyuma

Spread the loveMbunge wa Embakasi Mashariki nchini Kenya, Paul Ongili Owino maarafu...

error: Content is protected !!