Monday , 30 January 2023
Home Gazeti Habari Mchanganyiko Bashe amuomba Rais Samia bil. 150 kutoa ruzuku ya mbolea
Habari Mchanganyiko

Bashe amuomba Rais Samia bil. 150 kutoa ruzuku ya mbolea

Spread the love

WAZIRI wa Kilimo, Hussein Bashe, amemuomba Rais Samia Suluhu Hassan, atoe Sh 150 bilioni, kwa ajili ya kutoa ruzuku kwa wakulima kwa ajili ya kumudu gharama za mbolea. Anaripoti Mwandishi Wetu, Dar es Salaam…(endelea).

Bashe ametoa ombi hilo leo Jumatatu, tarehe 4 Aprili 2022, katika uzinduzi wa ugawaji vitendea kazi kwa maafisa ugani uliofanyika jijini Dodoma, ambapo Rais Samia ni mgeni rasmi.

Waziri huyo wa kilimo, amesema kwa sasa dunia inakabiliwa na mfumuko wa bei ya mbolea, ambayo bei yake imepanda kwa asilimia 300.

“Nataka nikuombe Rais kwa kuwa uliwaagiza Benki Kuu watenge Sh. 1 trilioni kwa ajili ya sekta ya kilimo, nakuomba Sh. 150 bilioni tuiweke kwenye benki tuanze kutoa ruzuku ya mbolea kwa kuanzia msimu ujao wa kilimo. Nikuhakikishie pesa hii haitapotea,” amesema Bashe.

Aidha, Bashe amesema wizara yake itaendelea kutatua changamoto za wakulima hasa wanaolima malighafi za kutengenezea mafuta, ili kuongeza uzalishaji kwa ajili ya kukabiliana na uhaba wa mafuta ya kula nchini.

“Tuna changamoto ya mafuta ya kula, umetoa maelekezo kwamba tuhakikishe tunalitatua tatizo la mafuta. Katika nchi yetu mahitaji yake ni tani 650,000, uzalishaji wa ndani hauzidi 250,000, tuna pengo la 400,000. Ili kukabiliana na upungufu, Wizara tumetoa miche zaidi ya 1,500,000 ya michikichi,” amesema Bashe.

Bashe amesema, msimu ujao wa kilimo, wizara yake itazalisha tani 5,000 za mbegu ya alizeti, ili kuongeza uzalishaji wa zao hilo kwa ajili ya kuoata rasilimali za kutosha za kutengenezea mafuta ya kula.

Katika hatua nyingine, Bashe ameiomba Serikali kupunguza kodi kwa bidhaa za mafuta zinazoingizwa nchini pamoja na zile zinazozalishwa na viwanda vya ndani.

Bashe amesema wizara ya kilimo imeweka mikakati ya kupandisha mapato yatokanayo katika sekta ya kilimo, kutoka asilimia tano iliyoko sasa, hadi asilimia 10 ifikapo 2030.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

Chongolo asikitishwa na mradi wa Mil 900 kutoanza kutoa manufaa

Spread the loveKATIBU mkuu wa Chama Cha Mapinduzi (CCM) Taifa Daniel Chongolo...

Habari Mchanganyiko

Huawei Tanzania yatajwa miongoni mwa waajiri bora kimataifa

Spread the loveKAMPUNI ya Huawei Tanzania imetajwa kuwa mwajiri bora nchini na...

Habari Mchanganyiko

Waziri wa uchumi wa Finland atua nchini, kuteta na mawaziri 7

Spread the loveWAZIRI wa Masuala ya Uchumi wa Finland, Mika Tapani Lintilä...

Habari Mchanganyiko

Asimilia 79 wafeli somo la hesabu matokeo kidato cha nne

Spread the loveWATAHINIWA wa shule 415,844 sawa na asilimia 79.92 ya watahiniwa...

error: Content is protected !!