Azam FC kuivaa Mamelodi leo

KLABU ya Azam FC leo itashuka dimbani dhidi ya mabingwa Klabu Bingwa Afrika, Mamelodi Sundown katika mchezo wa kirafiki utakaopigwa  majira ya saa moja jioni, kwenye Uwanja wa Taifa, Dar es Salaam, anaandika Kelvin Mwaipungu.

Mamelodi ambao wameingia nchini siku ya Jumatatu kwa ajili ya ziara maalumu, sambamba na kufanya maandalizi ya mchezo wao dhidi ya TP Mazembe ambao ni mabingwa wa Kombe la Shirikisho  Afrika utakaopigwa Febuari 18 mwaka huu.

Licha ya kucheza na Azam FC leo, klabu hiyo pia itacheza mchezo mwengine siku ya Ijumaa dhidi ya African Lyon ya jijini Dar es Salaam kabla ya kurudi nchini Afrika Kusini kwa ajili ya maandalizi ya michezo ya CAF.