Thursday , 2 February 2023
Home Kitengo Michezo Aucho arejea, Yanga dimbani leo dhidi ya Mbeya kwanza
Michezo

Aucho arejea, Yanga dimbani leo dhidi ya Mbeya kwanza

Spread the love

 

KLABU ya soka ya Yanga, hii leo itashuka dimbani kwenye mchezo wa Ligi Kuu Tanzania Bara dhidi ya Mbeya Kwanza huku kiungo wake mkabaji Khalid Aucho akirejea dimbani mara baada ya kukosa michezo miwili. Anaripoti Mwandishi Wetu…(endelea)

Mchezo huo utapigwa kwenye dimba la Sokoine Jijini Mbeya hii leo majira ya saa 1o jioni.

Aucho amerejea kikosini mara baada ya kukaa nje kutokana na kukabiliwa na majeraha katika siku za hivi karibuni, kabla ya kwenda kuitumikia timu yake ya Taifa ya Uganda kwenye michuano ya kuwania nafasi za kufuzu kombe la Dunia.

Yanga inaingia kwenye mchezo huo huku ikiwa na kumbukumbu ya kutoka sare ya bao 1-1, kwenye mchezo uliopita dhidi ya Namungo, uliofanyika kwenye dimba la Ilulu mkoani Lindi.

Mchezaji huyoa amekuwa na kiwango kizuri toka ajiunge na Yanga katika msimu huu wa mashindano akitokea nchini Misri na kuwa moja ya kivutio kwa mashabiki wengi wa timu hiyo na wapenda soka kiujumla.

Katika michezo sita waliocheza Yanga mpaka sasa, Aucho amekosa michezo miwili huku mmoja ukiwa dhidi ya Namungo FC, wakati Yanga ikiwa ugenini.

Kurejea kwa mchezaji huyo katika mchezo huu wa leo pengine utampa utayari kuelekea mchezo unaofuata wa Ligi Kuu Tanzania Bara dhidi ya Simba, mchezo utakaopigwa Disemba 11, mwaka huu.

Yanga inaingia kwenye mchezo huo huku ikiwa kileleni kwenuye msimamo wa Ligi Kuu Tanzania Bara ikiwa na alama 16 huku ikifuatiwa na Simba kwenye nafasi ya pili wakiwa na pointi 14.

Kwa upande wa Mbeya Kwanza ambao wamepanda Ligi kuu msimu huu, watavaana na Yanga kwa mara ya kwanza katika historia ya Timu yao toka kuanzishwa kwao.

Katika michezo sita waliocheza Mbeya Kwanza mpaka sasa imefanikiwa kuondoka na ushindi katika mchezo mmoja huku ikitoka sare mara nne na kupoteza mchezo mmoja

Mara baada ya mchezo huo Yanga itarejea jijini Dar es Salaam kujindaa na mchezo wa watani wa jadi, dhidi ya Simba ambao watakuwa wenyeji wa mchezo huo.

Leave a comment

Leave a Reply

Your email address will not be published. Required fields are marked *

Related Articles

Michezo

GGML: Uwanja mpya wa Geita Gold FC kukamilika Mei, 2023

Spread the loveUWANJA wa Magogo unaojengwa na Halmashauri ya Mji wa Geita...

Michezo

Wanafunzi chuo Mwalimu Nyerere wapongezwa kwa ushindi

Spread the love  UONGOZI wa Chuo cha Kumbukumbu ya Mwalimu Nyerere (MNMA)...

Michezo

Arsenal waipopoa Manchester United

Spread the loveKLABU ya Arsenal inayoshiriki Ligi Kuu England imewatandika Mashetani Wekundu...

Michezo

Mchezaji Singida apoteza maisha mazoezini

Spread the love  MCHEZAJI na kapteni wa timu ya vijana ya Singida...

error: Content is protected !!