Friday , 19 April 2024
Home Habari Mchanganyiko Askofu akemea watu kupenda kulalamika
Habari Mchanganyiko

Askofu akemea watu kupenda kulalamika

Mji wa Dodoma
Spread the love

WATANZANIA wametakiwa kuachana na tabia ya kulalamika na badala yake wafanye kazi huku wakiwa mstari wa mbele kupinga unyanyasaji na ukandamizwaji, anandika Dany Tibason.

Kauli hiyo imetolewa na Makamu Askofu Mkuu wa Church of God in Tanzania, Timoth Lutoloola alipokuwa akizungumza na waandishi wa habari muda mfupi baada ya kumalizika kwa kongamano la watumishi lililofanyika Chang’ombe mjini Dodoma.

Kiongozi huyo wa kiroho amesema kuwa ili kuwepo maendeleo ya mtu binafsi, kikundi au taasisi pamoja na taifa kwa ujumla ni wajibu wa kila mmoja akafanya kazi kwa bidii huku akiwa anatambua haki zake.

“Watanzania ni lazima tukafanya kazi kwa bidii na tukaachana na malalamiko mbali na kufanya kazi ni lazima kutambua wajibu wetu sambamba na kusimamia haki na pale haki inapovunjwa ni vyema tukasema ukweli bila kuwa na woga.

“Hakuna maendeleo ambayo yanaweza kuja kutokana na malalamiko na manung’uniko bali maendeleo yanatokana na juhudi za kazi ikiwa ni pamoja na kusimamia haki pasipokuwa na uoga” amesema Makamu Askofu Mkuu.

Katika hatua nyingine amewataka viongozi wa dhehebu hilo kuhakikisha wanajihusisha katika miradi mbalimbali ya kimaendeleo badala ya kutegemea sadaka au ufadhili.

Hata hivyo, amesema viongozi hao wanatakaiwa kuzitunza vyema familia zao huku wakiwajali hata watu ambao wanauhitaji wa mambo mbalimbali kwa kutambua kuwa viongozi wa dini ni viongozi wa kiroho na kimwili.

Akizungumzia juu ya amani amewataka viongozi wote kwa maana wale wa dini, siasa na serikali, kusimamia haki ili kujiepusha na uvunjifu wa amani.

Leave a comment

Leave a Reply

Your email address will not be published. Required fields are marked *

Related Articles

BiasharaHabari Mchanganyiko

NMB Pesa Akaunti yawavutia wakaguzi wa ndani Afrika

Spread the loveUbunifu wa bidhaa bora wa Benki ya NMB pamoja na...

Habari Mchanganyiko

Carbon First, Ruangwa wasaini makubaliano ya biashara ya hewa ukaa

Spread the love  KAMPUNI ya Carbon First Tanzania Limited na Halmashauri ya...

Habari Mchanganyiko

CBE yawakumbuka wenye mahitaji maalum Jangwani

Spread the loveCHUO cha Elimu ya Biashara (CBE), kimetoa msaada mbalimbali na...

Habari Mchanganyiko

Mume auwa mke kwa kumchoma visu, ajisalimisha Polisi

Spread the loveJACKSON Kalamji (49), anashikiliwa na Jeshi la Polisi jijini Mwanza,...

error: Content is protected !!