Wednesday , 8 February 2023
Home Gazeti Habari Mchanganyiko Aliyekuwa Rais Afghanistan aomba msamaha, adai hakunuia kuikimbia nchi
Habari Mchanganyiko

Aliyekuwa Rais Afghanistan aomba msamaha, adai hakunuia kuikimbia nchi

Spread the love

 

Wiki chache baada ya wanamgambo wa Taliban kuchukua madarakani na kuunda Serikali yao huko nchini Afghanistan, aliyekuwa Rais wa nchi hiyo, Ashraf Ghani ameibuka na kuwaomba msamaha raia wa Afghanistan baada ya kukimbilia nchi za Falme za Kiarabu. Na Mwandishi wetu… (Endelea)

Ghani aliondoka madarakani tarehe 15 Agosti, mwaka huu amesema aliondoka baada ya kushawishiwa na usalama wa Ikulu kwamba angeendelea kuwepo kungehatarisha maisha ya raia wengi.

Katika taarifa aliyoiweka kwenye mtandao wake wa Twitter amesema “Kuondoka Kabul ilikuwa moja ya uamuzi mgumu kuwahi kuufanya katika maisha yangu, lakini naamini hiyo ndio ilikuwa njia ya pekee kukwepa mtutu wa bunduki kutumika hivyo nikaamua kuokoa maisha ya watu milioni sita wanaoishi katika jiji la Kabul.

“Nimetumikia nchi hii kwa miaka 20. Katika maisha yangu nimeshirikiana na watu wa Afghanistan kujenga demokrasia, umoja na uzalendo. Sio lengo langu kabisa kuwaacha watu wangu na kuwatenga.

“Ninawaomba msamaha Waafghanistan wenzangu, sikutaka tumalize kwa tofauti zetu kwa kumwaga damu,” amesema.

Aidha, amesema katika maisha yake hakuwa kunuwia kujilimbikizia mali na kwamba taarifa zilizoibuliwa kuwa amekimbia na mamilioni ya Dola za Marekani katika nchi za Falme za kiarabu sio kweli.

Ametoa wito kwa Umoja wa Mataifa kwenda kukagua akaunti zake za benki kwani hata mkewe na familia yake anafahamu ukweli maisha ya kawaida wanaoishi.

Ghani mwenye umzi wa miaka 72, mwaka 2002 alihudumu kama waziri wa fedha chini ya utawala wa Rais Hamid Karzai, mwaka 2009 aliwania urais kwa mara ya kwanza na kushika nafasi ya nne kati ya wagombea wote.

Mwaka 2014 alifanikiwa kunyakua kiti hicho na kuhudumu kwa miaka mitano, kisha mwaka 2019 aliwania tena licha ya kutokea machafuko, duru ya pili ya uchaguzi ilipofanyika alishinda kisha akaapishwa tarehe 9 Machi 2020.

Aliondolewa madarakani tarehe 15 Agosti, mwaka huu baada ya wanamgambo wa Taliban kuvamia Ikulu na kuunda serikali yao

Leave a comment

Leave a Reply

Your email address will not be published. Required fields are marked *

Related Articles

Habari Mchanganyiko

Uvuvi bahari kuu wapaisha pato la Taifa

Spread the love  SERIKALI imesema uvuvi wa bahari kuu umeliingizia Taifa pato...

Habari Mchanganyiko

DPP aweka pingamizi kesi ya ‘watu wasiojulikana’

Spread the love  MKURUGENZI wa Mashtaka nchini (DPP), ameweka pingamizi dhidi ya...

Habari Mchanganyiko

Washindi saba safarini Dubai NMB MastaBata ‘Kote Kote’

Spread the loveKAMPENI ya kuhamasisha matumizi ya Mastercard na QR Code ‘Lipa...

Habari Mchanganyiko

Bodi ya Maji Wami Ruvu kuchimba visima 10 kupunguza uhaba maji mikoa mitatu

Spread the love  BODI ya Maji ya Bonde la Wami Ruvu imesema...

error: Content is protected !!