June 17, 2021

Uhuru hauna Mipaka

Agosti mwisho wa Machinga Mwanza

Spread the love

JOHN Mongella, Mkuu wa Mkoa wa Mwanza amemuagiza Marry Tesha, Mkuu wa Wilaya ya Nyamagana kuwaondoa wafanyabiashara ndogo ndogo (Machinga) ifikapo Agosti Mosi mwaka huu, anaandika Moses Mseti.

Mongella amesema kuwa, machinga katika mkoa huo, wamekuwa wakifanya biashara zao bila kufuata kanuni na sheria zilizopo hivyo amemtaka mkuu huyo wa wilaya kuhakikisha anasimamia zoezi la kuwaondoa wafanyabiashara hao.

“Machinga unakuta anapanga biashara zake hadi kwenye mlango wa nyumba ya mtu, sasa hali hiyo haiwezi kuvumilika hata siku moja, tunajua ni ndugu zetu wanaopaswa kufanya biashara zao lakini hatuwezi kwenda kwa namna hiyo,” amesema Mongella.

Amesema kuwa, wafanyabiashara hao wanapaswa kufuata kanuni na sheria za nchi zilizopo, huku akiwataka kuhamia katika maeneo rasmi yaliopangwa yaliopangwa na halmashauri ya Jiji hilo kwa ajili ya kufanyia shughuli zao.

Tesha amesema kuwa, atahakikisha anaendeleza alipoishia mtangulizi wake (Baraka Konisaga) katika kuwatumikia wananchi wa Wilaya ya Nyamagana.

error: Content is protected !!