Friday , 29 March 2024
Home Gazeti Habari za Siasa ACT Wazalendo yaja na ahadi ya “Taifa la Wote kwa Maslahi ya Wote”
Habari za Siasa

ACT Wazalendo yaja na ahadi ya “Taifa la Wote kwa Maslahi ya Wote”

Zitto Kabwe, Kiongozi wa ACT-Wazalendo
Spread the love

CHAMA cha ACT-Wazalendo, kimezindua ahadi yake kwa Watanzania, ya kujenga Taifa la wote kwa maslahi ya wote kufikia 2035 endapo kitapewa ridhaa ya kuongoza Serikali kupitia Uchaguzi Mkuu wa 2025. Anaripoti Regina Mkonde, Dar es Salaam … (endelea).

Ahadi hiyo imezinduliwa Leo Jumamosi, tarehe 18 February 2023, jijini Dar es Salaam.

Akizungumza wakati wa uzinduzi huo, Kiongozi wa ACT-Wazalendo, Zitto Kabwe, amesema chama chake kimekuja na ahadi hiyo baada ya kuona nchi inakosa sera inayojenga taifa linalogusa maslahi ya wote.

“Tunaomba ufumbe mboni ya macho yako uifikirie kesho yako ambayo wewe umetupa ACT-Wazalendo kama madereva wa kuendesha gari ya kukufikisha kesho, kwa kura yako tutashinda uchaguzi halali na tutatekeleza Ilani yetu mpaka 2035. Unaamka kwenye taifa lenye uchumi jumuishi linalozalisha ajira za kutosha, watu wanaweza kumudu gharama nafuu za maisha,” amesema Zitto.

Zitto amesema ACT-Wazalendo inawaahidi Watanzania katiba bora inayowezesha mifumo bora ya utoaji haki na inayodhibiti vitendo vya rushwa.

Mwanasiasa huyo amesema kuwa, ahadi ya ACT-Wazalendo kwa Watanzania ni kuhakikisha vipato vyao vinaongezeka mara tatu na upatikanaji wa elimu bora bila malipo, inayowezesha vijana kushindana vizuri katika soko la ajira.

Ahadi nyingine ni kutoa ajira za kutosha kwa vijana, kujenga miundombinu imara, upatikanaji wa makazi bora na nafuu kwa wananchi na kupunguza gharama za vifaa vya ujenzi.

Kuhusu sekta ya afya, Zitto amesema chama chake kinawaahidi Watanzania kupata huduma bora za afya kupitia bima ya afya kwa wote, kuimarisha kinga za mwili dhidi ya maradhi mbalimbali.

“Tutajenga taifa linalotoa huduma kwa uwekaji bima kwa wote, mafao ya uzeeni. Taifa ambalo kila mwananchi anapata huduma safi na salama na maji ya uhakika,” amesema Zitto.

Katika sekta ya michezo, Zitto amesema ACT-Wazalendo inawaahidi Watanzania kuimarisha sekta hiyo kwa kuhakikisha nchi inakuwa kinara wa michezo Afrika na inashiriki michuano ya kombe la Dunia ya 2034.

Amesema kuwa, ni kwa namna gani ACT-Wazalendo itatekeleza ahadi hiyo, itafahamika katika mikutano ya hadhara watakayozindua kesho Jumapili, Mbagala jijini Dar es Salaam.

“Namna gani tutatatua migogoro ya ardhi ili watu wawe na ardhi ya wote kwa maslahi ya wote, namna gani tunapigania demokrasia ya wote kwa maslahi ya wote, namna gani tutahakikisha tunapata katiba bora ambayo itaangalia maslahi ya Watanzania wote, namna Gani tutatatua tatizo la kupanda gharana za maisha hasa bei za vyakula, tutaeleza kwenye mikutano ya hadhara,” amesema Zitto.

Zitto amesema kuwa, ACT-Wazalendo, inakusudia kuwaunganisha Watanzania pamoja na kuondoa siasa zinazowagawa.

1 Comment

Leave a Reply

Your email address will not be published. Required fields are marked *

Related Articles

Habari za SiasaMakala & Uchambuzi

Nani anasema kuna hasara ATCL?

Spread the loveRIPOTI za makusanyo na matumizi ya fedha katika Kampuni ya...

Habari za SiasaTangulizi

CAG: Wastaafu, wenza wao chanzo NHIF kufilisika

Spread the loveRIPOTI ya ukaguzi ya Mdhibiti na Mkaguzi Mkuu wa Hesabu...

Habari za SiasaTangulizi

Vikundi hewa 851 vyalamba bilioni 2.6 mikopo ya halmashauri

Spread the loveVIKUNDI hewa vya wajasirimali wadogo 851 kutoka katika halmashauri 19...

Habari za SiasaTangulizi

Mashirika matano yapata hasara mabilioni ya fedha

Spread the loveMASHIRIKA matano ya Serikali yanayojiendesha kibiashara, yamepata hasara ya mabilioni...

error: Content is protected !!