Saturday , 15 June 2024
Home Gazeti Habari za Siasa ACT Wazalendo yaanika madudu miradi ya ujenzi, moundombinu
Habari za Siasa

ACT Wazalendo yaanika madudu miradi ya ujenzi, moundombinu

Reli ya kisasa ya SGR
Spread the love

CHAMA cha ACT Wazalendo kimeeleza wasiwasi juu ya uelekeo wa Serikali na mjadala unaondelea Bunge kuhusu ushirikishwaji wa sekta binafsi kwenye ujenzi wa miundombinu ya reli na barabara. Anaripoti Faki Ubwa…(endelea).

Hayo yameelezwa leo tarehe 23 Mei 2023 jijini Dar es Salaam na Msemaji wa Sekta ya Miundombinu, Reli na Barabara wa ACT Wazalendo, Mhandisi Mohammed Mtambo wakati akichambua Bajeti ya Wizara ya Ujenzi na Uchukuzi kwa mwaka wa fedha 2023/24.

Alisema kwamba ubia unaopigiwa chapuo kama njia mbadala ya kugharamia ujenzi wa miundombinu ni njia ya kuupumbaza umma juu ya athari za mwelekeo huu.

“Ubia ni ghali zaidi kuliko mfumo unaotumika hivi sasa. Athari zingine ni kwamba  mtindo huu unakuja na tozo kwa watumiaji ili kupata faida zaidi,” alisema

Alifafanua kuwa mfumo huu wa ubia ni njia ya kuficha deni la Taifa kwa mfumo wa kihasibu ambao hautokuwa wazi.

“Hii ni mbinu fiche ya ubinafsishaji wa miundombinu ya kimkakati ambayo kwa kawaida haipaswi kuwa mali ya mtu au Kampuni ambayo itatengeneza matabaka katika matumizi au bughudha wakati wa matumizi yake”, alisema.

Katika Uchambuzi huo ametaja hoja saba zinazohitaji kutazamwa ili kuifanya bajeti ya ujenzi na uchukuzi kuakisi matarajio ya wananchi.

Amezitaja hoja hizo kuwa ni kucheleweshwa  kukamilika na kuongezeka kwa gharama ujenzi wa Reli ya SGR ambapo ameeleza kwamba mradi wa Reli ya Kisasa kipande cha Dar- Morogoro na Morogoro hadi Dodoma kimechelewa kwa zaidi ya miaka mitatu jambo lililosababisha Serikali kutumia gharama za ziada za Sh 25 bilioni.

Aidha, alifafanua kuhusu uwekezaji wa kusuasua na hasara katika uendeshaji na usimamizi wa Ndege za Shirika la ATCL.

_”Tangu kufufuliwa kwa Kampuni hii mwaka 2016 kuna changamoto katika uendeshaji, zikiwemo mzigo mkubwa wa madeni, kuharibika mara kwa mara kwa injini za ndege na gharama kubwa za uendeshaji,” alisema.

Ameitaka Serikali kuiondoa TGFA (Shirika la Ndege za Serikali) Ofisi ya Rais Ikulu.

Pia ametoa rai kwa serikali kufanya ukaguzi maalumu wa manunuzi ya ndege tangu zilipoanza kununuliwa mwaka 2016 na kufanyike mapitio ya mikataba yote ya manunuzi ya ndege.

Leave a comment

Leave a Reply

Your email address will not be published. Required fields are marked *

Related Articles

Habari za SiasaKimataifaTangulizi

DA, ANC waridhia kuunda serikali ya mseto Afrika Kusini

Spread the loveChama tawala nchini Afrika Kusini cha African National Congress, ANC,...

BiasharaHabari MchanganyikoHabari za Siasa

Mataifa Afrika Mashariki yawasilisha bajeti 2024/2025 inayolenga kukuza uchumi

Spread the loveMataifa manne ya Afrika Mashariki jana Alhamisi yamewasilisha bungeni bajeti...

Habari za SiasaTangulizi

Gesi asilia, petroli kodi juu

Spread the loveWaziri wa Fedha, Dk. Mwigulu Nchemba amependekeza kufanya marekebisho kwenye...

Habari za SiasaTangulizi

Bilioni 155.4 kugharamia kicheko cha wastaafu 2022-2030

Spread the loveWaziri wa Fedha, Dk. Mwigulu Nchemba amesema jumla ya Sh...

error: Content is protected !!