Thursday , 28 March 2024
Home Habari Mchanganyiko Marufuku kuuza chakula, matunda karibu ya vyoo
Habari Mchanganyiko

Marufuku kuuza chakula, matunda karibu ya vyoo

Dk. Gatete Mahava, Mganga Mkuu wa Halmashauri ya Jiji la Dodoma
Spread the love

MGANGA Mkuu wa Halmashauri ya Jiji la Dodoma, Dk. Gatete Mahava ametoa onyo kwa wafanyabiashara wote wanaouza chakula au matunda karibu na vyoo chini ya mita 30 na kuwataka waondoe biashara zao mara moja. Anaripoti Danson Kaijage, Dodoma … (endelea).

Mbali na hilo ametoa agizo kwa Afisa Afya wa Jiji la Dodoma, Abdallah Mahia kuahakikisha anafanya msako wa kuwabaini watu wote wanaofanya biashara ya chakula na matunda katika milango ya vyoo katika stendi ya daladala ya Sabasaba na soko la Sabasaba.

Dk. Mahava ametoa agizo hilo baada ya mama lishe pamoja na wauzaji wa matunda wanafanyabiashara zao karibu na milango ya vyoo jambo ambalo linaweza kusababisha mlipuko wa magonjwa huku asifa Afya akiwa mzito kutoa ushirikiano na mwandishi wa habari.

Alisema utaratibu unaotakiwa kufanyika ni kwamba vyoo vya jumuiya vinatakiwa kujengwa angalau hatua 30 japo inategemeana na mazingira huku akitoa mfano wa vyoo vya nyumbani kuwa haviwezi kujengwa hivyo, lakini sehemu zenye mkusanyiko kama ilivyo soko la Sabasaba ambapo kuna na stendi hauwezi kujenga vyoo ambavyo watu wanafanyabiashara milangoni.

“Kwa sasa mvua zinaendelea kunyesha na kuna uwezekano mkubwa nzi akatoka chooni na kuingia katika chakula au katika matunda jambo hilo linaweza kusababisha kuwepo kwa magonjwa ya mlipuko, kutokana na hali hiyo sasa kuanzia leo nimemuagiza Afisa Afya wa Jiji pamoja na timu yake kuhakikisha wanafanya msako na kubaini vilipo vyoo ili wanaofanya biashara katika maeneo hayo wafunge na wabadilishe biashara na isiwe biashara ya matunda wala chakula,” alisema Dk. Mahava.

Aidha alisema kuwa imekuwepo changamoto katika maeneo ya stendi ya daladala ya Sabasaba  na sehemu nyingine yenye mikusanyiko kuwa na tabia ya watu kuuza vyakula au matunda karibu na vyoo, sasa napenda kutoa onyo kwa wale wanaouza vyakula karibu na vyoo vya jumla, kwa kawaida unatakiwa kuuza vyakula au matunda takribani mita 30 toka kwenye vyoo.

Dk. mahava alisema kuwa kwa kipindi hiki ambacho mvua zinaendelea kunyesha katika jiji la Dodoma kunahitajika umakini wa hali ya juu zaidi katika kufanya usafi ili kuondokana na milipuko ya magonjwa ambayo inaweza kujitokea.

Katika hatua nyingine Dk. Gatete, amesema kuwa halmashauri ya Jiji la Dodoma kwa sasa inafanya utaratibu wa kuboresha stendi ya Sabasaba na soko hilo ili kuona ni jinsi gani wataweza kujenga vyoo vya kisasa ambavyo vitakuwa vinajitegemea, sehemu maalum ya kuuzia nguo za mitumba, matunda na mbogamboga pamoja na vyakula kwa ujumla na kueleza kuwa kwa sasa umeanza uboreshaji wa Stendi ya daladala.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

Kapinga kuongoza usambazaji wa mitungi ya gesi 10,000 ya Taifa Gas

Spread the loveNaibu Waziri wa Nishati, Judith Kapinga ameahidi kuongoza kwa ufanisi...

BiasharaHabari Mchanganyiko

Wafanyabiashara, wawekezaji China waridhia kuwekeza bil. 800 katika sekta 5 nchini

Spread the loveUJUMBE wa wafanyabiashara na wawekezaji wakubwa kutoka Jimbo la Changzhou...

Habari Mchanganyiko

Bil. 4.42 kumaliza uhaba maji kata 2 Musoma Vijijini

Spread the loveWANANCHI wa kata za Busambara na Kiriba, Jimbo la Musoma...

BiasharaHabari Mchanganyiko

Soko nepi za watoto lashuka, watu wazima lapaa

Spread the loveKiwanda cha kutengeneza nepi cha Japan kimetangaza kuwa kitaacha kutengeneza...

error: Content is protected !!