Friday , 1 March 2024
Home Gazeti Habari za Siasa Lwaitama atupa dongo kwa Sumaye
Habari za Siasa

Lwaitama atupa dongo kwa Sumaye

DK. Azaveli Lwaitama, Mhadhiri mstaafu
Spread the love

DK. Azaveli Lwaitama, Mhadhiri mstaafu, ameutumia Mkutano Mkuu wa Chama cha Demokrasia na Maendeleo (Chadema) kutupa jiwe gizani kwa serikali ya Chama cha Mapinduzi (CCM). Anaripoti Hamis Mguta…(endelea).

Lwaitama ambaye ni Mwanachama hai wa Chama cha Demokrasia na Maendeleo (Chadema) ametumia nafasi hiyo leo tarehe 18 Desemba 2019 katika mkutano huo ambao utafanya uchaguzi wa mwenyekiti wa chama na Makamu Mwenyekiti wa chama Taifa usiku huu.

Amesema kuwa maendeleo bila demokrasia yanaweza yakawa yananufaisha watu wachache na wakati mwingine vipaumbele vya nchi vinatengenezwa na watu wachache.

“Mtu anaweza kutembea na hela yake anapita mitaani anagawa, anaweza kuamua leo tutajenga lakini mikopo kwa wanafunzi tutachelewesha.

“Tungekuwa na Bunge linalokaa na kujadili labda tungebishana, wakati mwingine kukosekana kwa demokrasia kunaweza kubadilisha vipaumbele vya maendeleo,…sizungumzi juu ya mtu nazungumzia umuhimu wa demokrasia,” amesema Lwaitama bila kumtaja anayemlenga.

Wakati Lwaitama akiyasema hayo, kumekuwa na malalamiko mbalimbali kutoka kwa vyama pinzani vya siasa nchini vikidai kuwa serikali ya CCM imeminya demokrasia kwa kusitisha bunge kurushwa mubashara na hata kulalamika ya kuwa rais Magufuli anafanya maendeleo ya vitu na sio ya watu kwa kununua ndege na kujenga miundombinu ya barabara huku wananchi wakiwa na maisha magumu.

Ameenda mbali zaidi na kugusia juu ya uwepo wa demokrasia ndani ya Chama cha Chadema, na kusema kuwa chama tawala hakina utaratibu wa kugombea nafasi ya uenyekiti wa chama kama ilivyo ndani ya Chadema hivyo Chadema ina demokrasia kuliko CCM.

“Demokrasia ilivyo nzuri hata kama mna kiongozi ambaye mnamkubali mnamruhusu mtu mwingine ashindane naye lakini kile chama kingine watu wanahojiwa kwa kufikiria tu namimi nigombee, kuna ndugu yangu mmoja alikuja kwetu na baadaye akaenda kuanzisha chama kingine kule alikokuwa mwanzoni walimzuia asigombee,” amesema.

Amesema kuwa katika chama cha Chadema hakuna kitu kupita bila kupingwa kwa mgombea wa nafasi yoyote bali hata kama ukiwa unagombea peke yako unapigiwa kura za ndio au hapana, wengine wakipigiwa kura ya hapana inakuwa nongwa wanarudi kwao.

Leave a comment

Leave a Reply

Your email address will not be published. Required fields are marked *

Related Articles

Habari za SiasaTangulizi

Mwili wa Hayati Mwinyi kuagwa leo saa 8 Uwanja wa Uhuru

Spread the loveMWILI wa Rais Mstaafu, Ali Hassan Mwinyi unatarajiwa kuagwa kuanza...

Habari za SiasaTangulizi

Rais Mwinyi kuzikwa Machi 2 visiwani Unguja

Spread the loveMWILI wa aliyekuwa Rais wa Awamu ya Pili wa Tanzania,...

Habari za SiasaTangulizi

Rais mstaafu Mwinyi afariki dunia

Spread the loveRais Mstaafu wa awamu ya pili wa Tanzania, Ally Hassan...

Habari za Siasa

Waziri mkuu Ethiopia atua Tanzania

Spread the loveWaziri Mkuu wa Jamhuri ya Kidemokrasia ya Shirikisho la Ethiopia,...

error: Content is protected !!