Monday , 26 February 2024
Home Gazeti Habari za Siasa ATCL yaanza kutikisa anga za kimataifa
Habari za SiasaTangulizi

ATCL yaanza kutikisa anga za kimataifa

Spread the love

KAMPUNI ya ndege ya taifa (ATCL), leo Alhamisi ya tarehe 30 Agosti 2018, inatarajiwa kuzindua safari yake ya tatu ya kimataifa, itakayoanzia Dar es Salaam kuelekea Bunjumbura nchini Burundi. Anaripoti Regina Kelvin … (endelea).

Taarifa kutoka ndani ya ATCL jijini Dar es Salaam, wizara ya mawasiliano na uchukuzi na ubalozi wa Tanzania nchini Burundi zinasema, ndege ya kwanza ya shirika hilo, inatarajiwa kuondoka Dar es Salaam saa 3:30 na kutua mjini Bujumbura, majira ya saa 5:40 asubuhi.

Tayari ATCL imezindua safari nyingine mbili za kimataifa zinazoanzia Uwanja wa Ndege wa Julius Nyerere (JNIA), kuelekea Entebe nchini Uganda na Comoro.

“…jambo Burundi,” ndivyo moja ya kipeperushi cha shirika hilo ambacho MwanaHALISI Online inacho, kinavyosema kuelezea uzinduzi wa safari yake hiyo nchini humo.

Kwa mujibu wa taarifa hizo, kwa kuanzia ATCL itatumia ndege yake aina ya Bombardier Dash 8 Q400 katika safari hiyo. Ndege hiyo itaelekea Bujumbura, kupitia Kigoma nchini Tanzania.

Miongoni mwa wanaotarajiwa kuhudhuria hafla hiyo ya uzinduzi, ni pamoja na wabunge watatu wa Kamati ya Bunge ya Miundombinu, wakiongozwa na Daniel Nsanzungwanko.

Wengine watakaohudhuria hafla hiyo ya uzinduzi, ni Waziri wa Mawasiliano na Uchukuzi, Injinia Isaack Kamwele; Balozi wa Burundi nchini Tanzania, Gervais Abayeho; Mkurugenzi wa ATCL, Ladislaus Matindi; Meneja Masoko na Maendeleo ya Biashara wa kampuni hiyo, Edward Nkwabi na Naibu Waziri wa Mawasiliano na Uchukuzi, Elias Kwandikwa.

ATCL iko katika mapambano ya kurejesha huduma zake, kufuatia “kuuawa” na tawala za marais waliopita, Benjamin William Mkapa na Rais Jakaya Mrisho Kikwete.

Uchambuzi kamili juu ya ATCL inakotoka, inakoelekea na changamoto zake, soma MwanaHALISI Online Jumapili hii – Mhariri. 

Leave a comment

Leave a Reply

Your email address will not be published. Required fields are marked *

Related Articles

Habari za Siasa

Hamahama Ngorongoro kutikisa maandamano ya Chadema Arusha

Spread the loveMAELFU ya wanachama na wafuasi wa Chama cha Demokrasia na...

Habari za SiasaTangulizi

Waliofariki ajalini Arusha kuagwa siku ya maandamano Chadema

Spread the loveMIILI ya watu 25 waliofariki dunia katika ajali iliyohusisha lori...

Habari za SiasaTangulizi

Serikali kuiburuzwa mahakamani ajali iliyoua 25 Arusha

Spread the loveMTANDAO wa Watetezi wa Haki za Binadamu Tanzania (THRDC), imeitaka...

Habari za SiasaTangulizi

Samia atoa pole ajali iliyoua 25, kujeruhi 21 Arusha

Spread the loveRais Samia Suluhu Hassan ametuma salamu za rambirambi kwa Mkuu...

error: Content is protected !!