Monday , 26 February 2024
Home Habari Mchanganyiko Uwanja wa ndege mpya wakamilika asilimia 8o
Habari Mchanganyiko

Uwanja wa ndege mpya wakamilika asilimia 8o

Spread the love

MHANDISI Isack Kamwelwe, Waziri wa Ujenzi, Uchukuzi na Mawasiliano, amefanya ziara katika kiwanja kipya cha ndege cha Julius Nyerere kilichopo DSM kufanya ukaguzi wa ujenzi wa kiwanja hicho. Anaripoti Khalifa Abdallah … (endelea).

Mhandisi Kamwelwe amefanya ziara hiyo ikiwa ni siku yake ya 19 tangu kuteuliwa kuwa Waziri mwenye dhamana na ujenzi, ambapo kiwanja hicho kinatarajiwa kukamilika Mei, 2019. 

Akizungumza na waandishi wa habari, Waziri Kamwelwe amesema kuwa serikali imeridhika na hali ya ujenzi huo ambapo hadi sasa umefikia zaidi ya asiilimia 78 na kiwanja hicho kinatarajiwa kuchukua abiria Milioni 6 kwa mwaka.

“Terminal 1 imejengwa mwaka 1956 na ilikuwa na uwezo wa kupokea abiria laki 5 kwa mwaka Terminal 2 imejengwa mwaka 1984 ilikuwa na uwezo wa kupokea watu milioni 1.5 kwa mwaka, lakini sasa hivi Terminal 2 inakwenda mpaka watu Milioni 2.5 kwa mwaka lakini Serikali ikaona kuna umuhimu wa wa kuongeza Terminal nyingine ya tatu ambayo itapokea watu Milioni 6,” amesema.

Kamwelwe amesema kwa mujibu wa wataalamu huduma hiyo ambayo imewekezwa inaweza kufika hadi mwaka 2035 ambapo uwanja huo utakuwa na uwezo wa kupaki ndege kubwa 13 kwa wakati mmoja.

Katika hatua nyingine Kamwelwe amemuagiza Mhandisi Mshauri wa Mamlaka ya Viwanja vya Ndege nchini (TAA) ndani ya siku 7 kuripoti TANROADS akiwa na nyaraka zake ili zikafanyiwe kazi na TANROADS.

“Rais ametoa Instrument ya kujenga viwanja vya ndege katika taifa letu na Instrument hiyo wamepewa TANROADS kwa hiyo shughuli zote za ujenzi wa viwanja zitafanywa na TANROADS,” amesema.

Leave a comment

Leave a Reply

Your email address will not be published. Required fields are marked *

Related Articles

Habari Mchanganyiko

RC Geita awafunda wahitimu wapya GGML

Spread the loveMKUU wa Mkoa wa Geita, Martine Shigela ametoa wito kwa...

Habari Mchanganyiko

Biteko asisitiza umuhimu wa EREA sekta ya nishati

Spread the loveNaibu Waziri Mkuu na Waziri wa Nishati, Dk. Doto Biteko...

Habari Mchanganyiko

Tembo aongoza migongano binadamu, wanyamapori

Spread the loveIMEELEZWA kuwa asilimia 80 ya migongano baina ya binadamu na...

Habari Mchanganyiko

“Watanzania tembeleeni vivutio vya utalii”

Spread the loveSHIRIKA la Hifadhi za Taifa (TANAPA) limewataka Watanzania kujitokeza kutembelea...

error: Content is protected !!