Watumishi hewa wakopa fedha benki

TAASISI ya Kuzuia na Kupambana na Rushwa (Takukuru) Mkoa wa Mwanza, imebaini kuwepo kwa watumishi hewa zaidi ya watano ambao uongozi wa mkoa huo haukuyawasilisha majina yao kwa Rais Dk. John Magufuli huku yakionekana kukopa fedha benki, anaandika Moses Mseti. 

Pia Takukuru imesema kuwa majina ya watumishi hewa hao baada ya kufanya uchunguzi wamebaini hukopeshwa fedha kwa kisingizio kwamba wao ni watumishi wa Serikali kitendo ambacho ni cha uongo.

Hayo yamesemwa na Mkuu wa Takukuru Mkoa wa Mwanza, Ernest Makale wakati akitoa taarifa ya robo mwaka kuanzia Januari hadi Machi mwaka huu, ambako alisema katika majina yaliowasilishwa kwa Mkuu wa Mkoa huo, John Mongella sio kamilifu.

Amesema watumishi hao hewa wamekuwa wakikopa fedha kutoka benki mbalimbali kwa kutumia nyaraka za kughushi jambo ambalo alidai kwamba kuna baadhi ya watumishi wasio waaminifu wanaohusika kufanya udanganyifu huo.

Amesema pia katika uchunguzi wao unaonesha kuwa majina ya watumishi yaliowasilishwa na baadhi ya halmashauri za mkoa huo sio kamilifu kwani kuna watumishi wengine ambao hawajaorodheshwa.

Makale amesema kuwa kutokana na kuonekana kwa hali hiyo Takukuru inaendelea kufanya uchunguzi wa kina kuwabaini watumishi hewa wengine na watumishi wengine wanaoshirikiana nao.

“Kuna dalili za wazi ambazo zinaonesha kuna watumishi wasiokuwa waaminifu wa halmashauli ambao wanahusika kufanya vitendo hivi vya udanganyifu, atakaebainika atafikishwa mahakamani,” amesema Makale.

Watumishi wadakwa kwa utapeli

Makale pia amesema kuwa Takukuru Mkoa wa Mwanza katika kipindi cha miezi hiyo tayari imewakamata aliyekuwa Meya wa Ilemela, Henry Matata, Justine Lukaza (Mhandisi wa Manispaa ya Ilemela) na Mfanyabiashara, Hemed Hamad kwa kosa la kutoa zabuni feki ya kutoza ushuru kwenye stendi ya mabasi ya Buzuruga jijini hapa.

Watumishi wengine waliokamatwa kwa makosa ya kutumia vibaya madaraka yao ni pamoja na aliyekuwa Mganga wa Wilaya ya Magu, Patrick Mwindunga, Afisa Ugavi wa Wilaya ya Misungwi, Zabron Marwa, anaetuhumiwa kuingia manunuzi feki.

Wengine ni wauguzi wa Hospitali ya Wilaya ya Misungwi, Masalu Kangalukwi na Amon Shija wanaotuhumiwa kuomba na kupokea rushwa kutoka kwa wagonjwa.

 

TAASISI ya Kuzuia na Kupambana na Rushwa (Takukuru) Mkoa wa Mwanza, imebaini kuwepo kwa watumishi hewa zaidi ya watano ambao uongozi wa mkoa huo haukuyawasilisha majina yao kwa Rais Dk. John Magufuli huku yakionekana kukopa fedha benki, anaandika Moses Mseti.  Pia Takukuru imesema kuwa majina ya watumishi hewa hao baada ya kufanya uchunguzi wamebaini hukopeshwa fedha kwa kisingizio kwamba wao ni watumishi wa Serikali kitendo ambacho ni cha uongo. Hayo yamesemwa na Mkuu wa Takukuru Mkoa wa Mwanza, Ernest Makale wakati akitoa taarifa ya robo mwaka kuanzia Januari hadi Machi mwaka huu, ambako alisema katika majina yaliowasilishwa kwa Mkuu wa…

Review Overview

User Rating: 0.8 ( 1 votes)

About Moses Mseti

error: Content is protected !!
Visit Us On FacebookVisit Us On TwitterVisit Us On YoutubeVisit Us On Instagram