Walimu wakana kumuua mwanafunzi – MwanaHALISI Online
Nyundo na Mizani ya Hakimu

Walimu wakana kumuua mwanafunzi

WALIMU wa Shule ya Msingi Kibeta, Respicius Mtaganzira na Herieth Gerald wanaotuhumiwa kumuua kwa kukusudia aliyekuwa mwanafunzi wa shule hiyo, Sperius Eradius, wamekana mashtaka yao. Anaripoti Mwandishi Wetu … (endelea).

Mwalimu Mtaganzira anadaiwa kumsababishia kifo Sperius aliyekuwa anasoma darasa la tano, kwa kumpiga baada ya mwalimu Gerald ambaye ni mtuhumiwa wa pili katika kesi hiyo, kulalamika kwamba amepoteza mkoba wake wakati mwanafunzi huyo alipompokea mizigo yake alipoingia kazini.

hata hivyo baadaye mkoba wake ulionekana. tukio la mauaji ya mwanafunzi huyo lilisambaa kwa haraka kwenye vyombo vya habari na kuzua mjadala kwa wiki kadhaa mfululizo.

Washtakiwa hao leo tarehe 22 Oktoba 2018 walisomewa mashataka yao na hoja za awali na Wakili Mwandamizi wa Serikali, Athuman Matuma katika Mahakama Kuu Kanda ya Kagera.

Kesi hiyo imehamishiwa Mahakama Kuu ikitokea Mahakama ya Hakimu Mkazi Bukoba, baada ya upande wa jamhuri kukamilisha ushahidi ambapo leo ilisikilizwa kwa mara ya kwanza.

Mwalimu Mtaganzira na Gerald wameshtakiwa mahakamani hapo kwa kosa la mauaji ya kukusudia, walilodaiwa kutenda tarehe 27 Agosti mwaka huu kwenye maeneo ya shule ya msingi Kibeta.

 

WALIMU wa Shule ya Msingi Kibeta, Respicius Mtaganzira na Herieth Gerald wanaotuhumiwa kumuua kwa kukusudia aliyekuwa mwanafunzi wa shule hiyo, Sperius Eradius, wamekana mashtaka yao. Anaripoti Mwandishi Wetu … (endelea). Mwalimu Mtaganzira anadaiwa kumsababishia kifo Sperius aliyekuwa anasoma darasa la tano, kwa kumpiga baada ya mwalimu Gerald ambaye ni mtuhumiwa wa pili katika kesi hiyo, kulalamika kwamba amepoteza mkoba wake wakati mwanafunzi huyo alipompokea mizigo yake alipoingia kazini. hata hivyo baadaye mkoba wake ulionekana. tukio la mauaji ya mwanafunzi huyo lilisambaa kwa haraka kwenye vyombo vya habari na kuzua mjadala kwa wiki kadhaa mfululizo. Washtakiwa hao leo tarehe 22 Oktoba…

Review Overview

User Rating: Be the first one !
0

About Mwandishi Wetu

Visit Us On FacebookVisit Us On TwitterVisit Us On Youtube