Wakazi Dodoma waivaa CDA – MwanaHALISI Online

Wakazi Dodoma waivaa CDA

ZAIDI ya wakazi 400 wa Kijiji cha Iyumbu, Kitongoji cha Bwibwi katika Manispaa ya Dodoma wamelalamikia Mamlaka ya Ustawishaji Makao Makuu ya Dodoma (CDA) kupora ardhi waliyokuwa wakiimiliki tangu mwaka 1872, anaandika Dany Tibason.

Wakizungumza na waandishi wa habari kwa wakati tofauti wakazi hao wamemwomba Rais John Magufuli kuingilia kati mgogoro huo kutokana na CDA kutaka kuwapokonya ardhi hiyo.

Chifu wa eneo hilo Lazaro Chihoma amesema, eneo hilo walikuwa wakilitumia tangu miaka hiyo na kwamba, CDA haina haki ya kulitwaa kwa mabavu.

“Sisi katika eneo hili hatuondoki kabisa, nitupo tayari hata kufa kwa kuwa hili eneo historia yake ni ya kutoka mwaka 1872 ambapo ndipo babu zetu walianza kuishi hapa.

“Kuna vitu vingi sana vya kihistoria ambavyo kama CDA watatuondoa hapa, vitakuwa vimekufa kabisa na vizazi vijavyo havitaweza kuvijua,”amesema Chihoma.

Ameongeza kuwa, watu wamekuwa wakiishi katika eneo hilo hata kabla ya CDA kuanzishwa miaka ya 70.

Amesema kuwa, CDA wanataka kulimiliki eneo hilo na kuwaondoa wao ambao ni wakazi halali na kuwapatia watu wengine bila kuwapa fidia kama vile viwanja hali ambayo inaibua maswali kwao.

Kutokana na hali hiyo, wakazi hao wamemuomba Rais Magufuli kuingilia kati mgogoro huo ambao una lengo la kuwanyima haki yao ya msingi.

“Pale CDA kuna majipu mengi na yameiva, tunamuomba Rais Magufuli aje kutumbua majipu haya bila hivyo CDA itaendelea kuwa kero kubwa kwa wapiga kura wake,” amesema Chihoma.

Akijibu tuhuma hizo, Paskasi Mlagiri, Kaimu Mkurugenzi wa CDA amesema kuwa, wakazi hao ni wavamizi.

“Eneo hilo lilikuwa ni msitu, palikuwa hapaishi watu na sisi tumelichukua toka mwaka 1978 ila kuna mzee mmoja alikuwa analitumia kwa ajili ya matambiko na palikuwa pori,” amesema Mlagiri.

ZAIDI ya wakazi 400 wa Kijiji cha Iyumbu, Kitongoji cha Bwibwi katika Manispaa ya Dodoma wamelalamikia Mamlaka ya Ustawishaji Makao Makuu ya Dodoma (CDA) kupora ardhi waliyokuwa wakiimiliki tangu mwaka 1872, anaandika Dany Tibason. Wakizungumza na waandishi wa habari kwa wakati tofauti wakazi hao wamemwomba Rais John Magufuli kuingilia kati mgogoro huo kutokana na CDA kutaka kuwapokonya ardhi hiyo. Chifu wa eneo hilo Lazaro Chihoma amesema, eneo hilo walikuwa wakilitumia tangu miaka hiyo na kwamba, CDA haina haki ya kulitwaa kwa mabavu. “Sisi katika eneo hili hatuondoki kabisa, nitupo tayari hata kufa kwa kuwa hili eneo historia yake ni ya…

Review Overview

User Rating: Be the first one !
0

About Dany Tibason

Visit Us On FacebookVisit Us On TwitterVisit Us On Youtube