VIGUTA wawaliza wananchi

WAKAZI zaidi ya 300 katika Mkoa wa Dodoma wametapeliwa na Umoja wa Vikundi vya Vikoba Tanzania (VIGUTA) kwa kuwachangisha fedha kwa nia ya kuwajengea nyumba na kuuza viwanja  kwa bei nafuu bila mafanikio. Anaripoti Danson Kaijage, Dodoma … (endelea).

Wananchi hao walisema kuwa kitendo cha VIGUTA kuwakwamisha wananchi kwa maendeleo na kushindwa kutimiza malengo yao.

Akizungumza kwa niaba ya wananchi Endeshi Raideison alisema kuwa kitendo cha VIGUTA  kushindwa kuteleleza kile walichokihaidi ni kuwakwamisha wananchi maendeleo yao.

Endeshi alisema kuwa wananchi wengi wamejikuta wakihangaika kutafuta fedha pamoja na kukopa benki kwa ajili ya kulipia asilimia kumi kwa lengo la kujengewa nyumba kwa lengo la kupata kwa bei nafuu jambo ambalo halikukamilika.

Kwa upande wake, Diwani wa viti maalum kata ya Loje, Wilaya ya Chamwino, Hilda Kadunda akizungumza na waandishi wa habari juu ya sakata hilo, ambaye pia alikuwa Meneja wa VIGUTA Wilaya ya Chamwino aliyekuwa akiwawakilisha wananchi, alisema kuwa wananchi wengi wamedhurumiwa na VIGUTA jambo ambalo limesababisha usumbufu mkubwa.

Diwani huyo alisema awali VIGUTA waliwashawishi wananchi kuwa watawajengea wananchi kwa bei nafuu na ikiwa na kuwauzia viwanja watakuwa wakilipa asilimia kumi kulingana na gharama ya nyumba na baadaye kuendelea kulipa kidogo kidogo.

Akizungumzia juu ya Chamwino, Hilda alisema kuwa baada ya viongozi wakuu wa VIGUTA kukimbia na fedha za watu imekuwa tatizo kubwa ambalo linasababusha wasimamizi waliopo kuonekana ni matapeli.

“Mimi nimekuwa msimamizi katika wilaya ya Chamwimo na tumefanikiwa kujenga nyumba kwa mujibu makubaliano yaliyotakiwa, tumejenga nyumba ya serikali ya mtaa, pamoja na nyumba nyingine ambazo zimefikia hatua ya mikanda lakini huduma hiyo imesitishwa.

“Wapo wananchi ambao waliingiza pesa zao benki kwa ajili ya ujenzi wa nyumba na kupewa viwanja lakini zoezi hilo hikufanyika kutokana na hali hiyo wananchi wamecharuka na kutaka walipwe fedha zao.

“Mimi kama msimamizi wa VIGUTA niliyekuwa nasimamia Chamwino na kuwahamasisha wananchi kujiunga katika makundi ili kupata unafuu lakini baada ya zoezi kutokamilika nilipelekwa mahakamani na kuonekana kama tapeli.

“Nikapelekwa mahakamani ila namshukuru Mungu nilishinda kesi na kuomba mahakama inipe kibali cha kuuza nyumba ya serikali ya mtaa ambayo imejengwa na Viguta kama ya mfano ili niweze kuwalipa wale wanaodai kutokana na jengo hilo kutokuwa limelipwa na serikali ya kijiji,” alisema Hilda.

Kutokana na hali hiyo Hilda alisema kuwa anaiomba serikali kuwakamata viongozi wakuu wa VIGUTA ili waweze kuwalipa wananchi fedha zao badala ya kuwaachilia kuendelea na mambo yao huku wananchi wakiendelea kusumbua.