Mbunge wa jimbo la Ludewa Deo Filikunjombe
Mbunge wa jimbo la Ludewa Deo Filikunjombe (kushoto) akiweka sahihi katika mashine ya kielektroniki za Biometric Voters Registration (BVR), wakati wa uandikishaji mkoani Njombe

Ukawa: Tumejielekeza kwenye daftari la wapigakura

Spread the love

UMOJA wa Katiba ya Wananchi (UKAWA), umesema kuwa, ajenda yao kubwa sasa ni kuwahamasisha wananchi kujiandikisha katika daftari la kudumu la wapigakura na si vinginevyo. Anaandika Pendo Omary … (endelea).

Kwa mujibu wa Ukawa inayovishirikisha vyama vya Chadema, CUF, NCCR-Mageuzi na NLD, hawana mpango wa kushiriki kura ya maoni ya katiba inayopendekezwa licha ya tarehe ya awali iliyotangazwa na Rais Jakaya Kiwete kufutwa. 

Jaji Damian Lubuva – Mwenyekiti wa Tume ya Taifa ya Uchaguzi (NEC), jana alifuta 30 Aprili mwaka huu kutumika kama “siku ya kupiga kura ya maoni kuhusu Katiba inayopendekezwa”.

Awali tarehe hiyo ilitangzawa na Rais Kiwete kinyume cha Sheria ya Kura ya Maoni ya mwaka 2011, iliyofanyiwa marekebisho mwaka 2013.

Kwa mujibu wa sheria hiyo, Rais amepewa mamlaka ya kutangaza muda (kipindi). NEC imepewa mamlaka ya kutangaza muda na siku ya upigaji kura.

Wakizungumza na MwanaHALISIOnline leo, baadhi viongozi Ukawa, wamesema “msimamo wao wa kususia kura ya maoni upo palepale.”

Dk. Willibrod Slaa – Katibu Mkuu wa Chama Cha Demokrasia na Maendeleo (Chadema) amesema “sisi nguvu yetu haijapungua. Iko palepale. Tangu mwanzo tulikuwa tukihamasisha watu kujiandikisha”.

“Chadema ndio chama kikuu pekee kilichopo Njombe katika kuhakikisha watu wanajiandikisha. Pia tumeweka mawakala katika uangalizi wa zoezi zima. Tunafanya haya kwa ajili uchaguzi mkuu na sio kura ya maoni,” amesema.

Aidha, Dk.Slaa ameongeza kuwa, NEC inapaswa kutoa ratiba mapema ili kuwapa furasa ya kujipanga mapema tofauti na awali ambapo walipoteza fedha nyingi kutokana na ratiba za uongo.

Magdalena Sakaya – Naibu Katibu Mku (Bara) wa Chama cha Wananchi (CUF) amesema, “Tuna mambo makubwa mawili. Kwanza kuhamasisha wananchi kujiandikisha katika daftari la kupiga kura. Pili kuwekeza nguvu zetu katika suala la uchaguzi mkuu ambapo tunahamasisha watu kujitokeza kupiga kura wakati ukifika”

“Msimamo wetu tangu mwanzo ni kutoshiriki katika mchakato huu. Dunia nzima inajua huu mchakato ni wa CCM. Hauna baraka za viongozi wa dini. Umegawa watanzania na kuhatarisha amani ya nchi,”amesema Sakaya.

Ameongeza kuwa CUF na Ukawa kwa ujumla watashiriki kura ya maoni endapo Rasimu ya Tume ya Mabadiliko ya Katiba iliyoongozwa na Jaji Joseph Warioba itarejeshwa na maoni yaliyopendekezwa na wananchi yatajadiliwa.

Pia Mesena Nyambabe – Katibu Mkuu wa NCCR – Mageuzi, amesema “Tumempongeza Jaji Lubuva kutekeleza jukumu lake kuhusu kutangaza nani anapaswa kutangaza tarehe ya kura ya maoni.”

“Lakini kusema kura ya maoni itafanyika baada ya Julai ni kudanganya na kujichanganya. Baada ya Julai tunaelekea kwenye uchaguzi mkuu. Kiuhalisia kura ya maoni haitakuwepo. Ikiwepo hatutashiriki. Kwa sasa tunajiandaa na uchaguzi mkuu,”amesema Nyambabe.

UMOJA wa Katiba ya Wananchi (UKAWA), umesema kuwa, ajenda yao kubwa sasa ni kuwahamasisha wananchi kujiandikisha katika daftari la kudumu la wapigakura na si vinginevyo. Anaandika Pendo Omary … (endelea). Kwa mujibu wa Ukawa inayovishirikisha vyama vya Chadema, CUF, NCCR-Mageuzi na NLD, hawana mpango wa kushiriki kura ya maoni ya katiba inayopendekezwa licha ya tarehe ya awali iliyotangazwa na Rais Jakaya Kiwete kufutwa.  Jaji Damian Lubuva – Mwenyekiti wa Tume ya Taifa ya Uchaguzi (NEC), jana alifuta 30 Aprili mwaka huu kutumika kama “siku ya kupiga kura ya maoni kuhusu Katiba inayopendekezwa”. Awali tarehe hiyo ilitangzawa na Rais Kiwete kinyume cha…

Review Overview

User Rating: 0.8 ( 1 votes)

About Pendo Omary

Leave a Reply

Your email address will not be published.

error: Content is protected !!