‘Tutasaka majambazi popote walipo’

IKIWA ni siku moja baada ya Jeshi la Polisi kuua majambazi watatu jijini Dar es Salaam, jeshi hilo limepanga kuanza msako wa majambazi kwenye misitu wanakofanyia mazoezi,anaandika Regina Mkonde.

Jeshi hilo jana katika eneo la Mbagala Rangi Tatu liliuwa majambazi waliovamia na kufanya uporaji wa fedha zaidi ya Sh. 20 milioni katika Benki ya ACCESS Tawi la Mbagala.

Akizungumza wakati akitoa taarifa hiyo, Simon Sirro, Kamishna wa Polisi Kanda Maalum ya Dar es Salaam amesema, jeshi hilo pia limekamata silaha aina ya SMG moja, mabomu ya kutupwa kwa mkono matatu, pikipiki sita na watu wanane waliokuwa wakijifanya polisi na kukagua mabasi na kisha kuwafanyia uporaji.

“Jeshi la Polisi Kanda ya Dar es Salaam lilifanikiwa kuua majambazi watatu ambao hawakufahamika majina yao, katika majibizano ya risasi na polisi baada ya kuvamia na kufanya uporaji wa fedha katika benki ya ACCESS iliyopo Mbagala Rangi Tatu,” amesema Sirro.

Sirro amesema, majambazi hao walishambulia kwa risasi baadhi ya wafanyakazi waliokuwa kwenye chumba cha kuhifadhia fedha na kuua wawili.

Waliofariki dunia ni Baraka Fredrick (25) ambaye ni mlinzi wa kampuni binafsi ya Security Group of Africa na Abdi Salum ambaye alikuwa muuza duka jirani na benki hiyo.

“Mnamo saa nane na nusu mchana, majambazi hao waliokuwa zaidi ya 10 wakiwa na silaha ya SMG na mabomu ya kutupa kwa mkono, walishambulia eneo hilo kisha kukimbia,” amesema Sirro.

Akiwa kwenye mkutano huo Charles Kitwanga, Waziri wa Mambo ya Ndani amesema jeshi hilo linajipanga kufanya operesheni kwenye misitu yote ambayo majambazi hao hujifucha na kufanya mazoezi.

IKIWA ni siku moja baada ya Jeshi la Polisi kuua majambazi watatu jijini Dar es Salaam, jeshi hilo limepanga kuanza msako wa majambazi kwenye misitu wanakofanyia mazoezi,anaandika Regina Mkonde. Jeshi hilo jana katika eneo la Mbagala Rangi Tatu liliuwa majambazi waliovamia na kufanya uporaji wa fedha zaidi ya Sh. 20 milioni katika Benki ya ACCESS Tawi la Mbagala. Akizungumza wakati akitoa taarifa hiyo, Simon Sirro, Kamishna wa Polisi Kanda Maalum ya Dar es Salaam amesema, jeshi hilo pia limekamata silaha aina ya SMG moja, mabomu ya kutupwa kwa mkono matatu, pikipiki sita na watu wanane waliokuwa wakijifanya polisi na kukagua…

Review Overview

User Rating: Be the first one !
0

About Masalu Erasto

Visit Us On FacebookVisit Us On TwitterVisit Us On Youtube