Katibu Mkuu wa Umoja wa Vyama vya Wafanyakazi Tanzania (TUCTA), Yahaya Msigwa

TUCTA wampongeza Rais Magufuli, wamkumbusha kilio cha mshahara

SHIRIKISHO la Vyama vya Wafanyakazi Tanzania (TUCTA) limetoa shukrani kwa Rais John Magufuli huku likiambatanisha maombi yake sita ikiwemo kuangalia upya kikokotoo cha mafao kwenye mfuko wa Shirika la Taifa la Hifadhi ya Jamii (NSSF) katika kipindi hiki cha mpito ili kilingane na mifuko iliyokuwa ya LAPF na PSPF. Anaripoti Danson Kaijage, Dodoma … (endelea).

Pia limesema kwa kuwa mshahara wa wafanyakazi bado ni mdogo, hata kikokotoo kikiwa kizuri mafao bado yatakuwa chini, hivyo wanamuomba Rais katika mwaka 2019 ilitazame suala la nyongeza ya mishahara ya wafanyakazi katika sekta zote.

Maombi hayo yalitolewa jijini Dodoma na Katibu Mkuu wa Umoja wa vyama vya Wafanyakazi Tanzania (TUCTA), Yahaya Msigwa baada ya maandamano ya amani yaliyofanywa na umoja wa chama hicho kwa ajili ya kumpongeza Rais Magufuli kwa kuweza kulipatia ufumbuzi suala la kikokotoo cha pensheni katika mfuko wa watumishi wa Umma (PSSSF).

Alisema kuwa wanaomba uwakilishi wa wafanyakazi kwenye bodi mbalimbali zilizopo hapa nchini na kwenye bodi za utatu wafanyakazi wawe wengi kwenye uwakilishi.

“Tunakuomba ofisi yako kwa kushirikisha wadau katika kipindi hiki cha mpito kusimamia zoezi la kutengeneza kikokotoo kizuri cha Pensheni.”

Pia alisema kuwa wafanyakazi wanaotumikia taifa hili katika sekta mbalimbali wamejitolea kuwatumikia wenzao katika nafasi wanazozitumikia.

Hivyo wanapomaliza muda wao wa utumishi kazini, wanaporudi makwao warudi kama mashujaa na waajiri wao wawapatie tuzo ya kutambua na kuthamini utumishi wao.

Naye Makamu wa Rais wa TUCTA, Qambos Sulle alisema kuwa wafanyakazi nchini wamefarijika sana na wameguswa kwa jambo alilolifanya Rais.

“Wafanyakazi wengi waliona kama adhabu yaani, lakini kwa usikivu wa Rais wetu ameweza kufanikisha kuiondoa adhabu hiyo hivyo tunamshukuru sana,” alisema.

Kwa upande wake Waziri Mkuu Kassim Majaliwa ambaye alikuwa mgeni rasmi katika maandamano hayo ya amani alisema kuwa Serikali ikotayari wakati wote kuyapatia ufumbuzi  matatizo ya wafanyakazi ikiwa ni moja ya njia yakuboresha mishahara na maslahi yao wakati wote wakiwa kwenye utumishi.

“Wito wa serikali kwa wafanyakazi waendelee kutekeleza majukumu yao kwa uadilifu ,weredi na kujituma ikiwa ndio chachu ya kufikia malengo ya ustawi wa maendeleo ya nchi yetu”alisema Majaliwa.

Wakati huo huo alisema kuwa hatua ya uunganishwaji wa mifuko ililenga kuimarisha ,kukidhi kilio chao cha muda mrefu kuhusu kuunganisha mifuko ya pensheni, ili kupunguza gharama za uendeshaji wa mifuko tuliyonayo.

“Hii yote ilikuwa kuondoa ushindani usio na tija baina ya mifuko ya pensheni ambayo kimsingi ilikuwa inatoa mafao yanayofanana, kupunguza migongano baina ya mifuko yanayo huduma kwa watumishi wenye masharti yanayo fanana, muhimu zaidi nikuboresha mafao ya wanachama kwa mifuko ya hifadhi ya jamii,” alisema.

Aidha Majaliwa amewaomba wafanyakazi hao kukubali kushirikiana na mamlaka husika katika kupata muafaka wa jambo hilo kwa siku za usoni kwa kujadiliana kwa njia njema ili kupata kikokotoo sahihi kitakacho tumika baada ya majadiliano hayo.

“Serikali itaendelea kuwashirikisha katika hatua zote zitakazo pitiwa katika kuandaa lakini pia kufanya mnyumbulisho wa kikokotoo hicho ili kufikia hatua ambayo watumishi wote mtaridhika”alisema.

“Viongozi wote wa TUCTA watashirikishwa katika hatua zote, hivyo mchakato utakapoanza tutawajulisha na tutaanza kuleta andiko la kwanza mtalipitia kwa pamoja,” alisema.

SHIRIKISHO la Vyama vya Wafanyakazi Tanzania (TUCTA) limetoa shukrani kwa Rais John Magufuli huku likiambatanisha maombi yake sita ikiwemo kuangalia upya kikokotoo cha mafao kwenye mfuko wa Shirika la Taifa la Hifadhi ya Jamii (NSSF) katika kipindi hiki cha mpito ili kilingane na mifuko iliyokuwa ya LAPF na PSPF. Anaripoti Danson Kaijage, Dodoma ... (endelea). Pia limesema kwa kuwa mshahara wa wafanyakazi bado ni mdogo, hata kikokotoo kikiwa kizuri mafao bado yatakuwa chini, hivyo wanamuomba Rais katika mwaka 2019 ilitazame suala la nyongeza ya mishahara ya wafanyakazi katika sekta zote. Maombi hayo yalitolewa jijini Dodoma na Katibu Mkuu wa Umoja…

Review Overview

User Rating: Be the first one !

About Danson Kaijage

error: Content is protected !!
Visit Us On FacebookVisit Us On TwitterVisit Us On YoutubeVisit Us On Instagram