Saturday , 30 March 2024
Home Gazeti Habari za Siasa Rushwa CCM; Makada waanza kumimina fedha mtaani 
Habari za Siasa

Rushwa CCM; Makada waanza kumimina fedha mtaani 

Spread the love

MAKADA wa Chama Cha Mapinduzi (CCM), wanaosaka ubunge na udiwani kupitia chama hicho, wameanza kumimina fedha mtaani. Anaripoti Mwandishi Wetu, Dar es Salaam … (endelea).

Taarifa za makada hao kuanza kugonga wajumbe, imekuwa ikizungumzwa na Hamphrey Polepole, Katibu wa Itikadi na Uenenzi wa CCM ambapo sasa, Mama Samia Suluhu Hassan, Makamu wa Rais amewanyooshea kidole.

Taarifa ya CCM iliyotolewa leo tarehe 13 Februari 2020, wakati wa Maadhimisho ya Miaka 43 ya CCM, jijini Dar es Salaam, imeeleza orodha ya majina wanaotembeza mlungula ipo mikononi mwa viongozi wa juu.

Mama Samia Suluhu Hassan, Makamu wa Rais amewaeleza wajumbe kwenye maadhimisho hayo, kwamba vitendo hivyo vimeanza kushamiri.

“Nina fununu na nimepewa na majina kwamba, kuna watu wameanza kujipitisha mapema katika majimbo. Tayari kuna vijifedha vinatoka, kuna vijitakrima vinatolewa, lakini nataka niwaambie jicho la chama, jicho la serikali liko wazi tunawaona,” amesema na kuongeza:

“Na tayari tuna majina machache hapa, kama wewe ni mchezaji subiri filimbi ipigwe, halafu wote mcheze kwenye uwanja sawa, usianze kucheza kujisogeza golini, filimbi ikipigwa unatia tu golini, hiyo haiwezekani.”

Wakati huo huo, Mama Samia amewataka viongozi na wanachama wa CCM kutobweteka katika kutekeleza ujenzi wa chama hicho.

“Na hili nalo nataka nilisemee, tuna mtindo wa slogan hizi. Wataweza hawawezi, watatuweza aah wapi, lakini nataka niwaambie tusipofanya kazi tutawawezesha. Kutuweza hawatuwezi lakini tutawawezesha.

“Sasa niseme tudumu na itikadi zetu, tudumu na tunayoyasema. Tukisema wataweza aah wapi, iwe wapi kweli, tukisema hawezi wawe hawawezi kweli, sio tuseme mdomoni lakini mioyoni mwetu tofauti kweli,” amesema Mama Samia.

Leave a comment

Leave a Reply

Your email address will not be published. Required fields are marked *

Related Articles

Habari za SiasaTangulizi

Gari la Mbunge Ole Sendeka lashambuliwa kwa risasi

Spread the loveGARI la mbunge wa Simanjiro (CCM) mkoani Manyara, Christopher Ole...

Habari za SiasaTangulizi

Chadema: Samia aunde tume kuchunguza mauaji mgodi wa Barick

Spread the loveRAIS Dk. Samia Suluhu Hassan, ameombwa aunde tume huru kwa...

Habari za SiasaMakala & Uchambuzi

Nani anasema kuna hasara ATCL?

Spread the loveRIPOTI za makusanyo na matumizi ya fedha katika Kampuni ya...

Habari za SiasaTangulizi

CAG: Wastaafu, wenza wao chanzo NHIF kufilisika

Spread the loveRIPOTI ya ukaguzi ya Mdhibiti na Mkaguzi Mkuu wa Hesabu...

error: Content is protected !!