Thursday , 28 March 2024
Home Kitengo Michezo Polisi Tanzania yatoa sababu kuendelea kumshikilia Idris
Michezo

Polisi Tanzania yatoa sababu kuendelea kumshikilia Idris

Idriss Sultan
Spread the love

JESHI la Polisi nchini Tanzania, limeeleza sababu za kuendelea kumshikilia Idris Sultani, Msanii wa Vichekesho Tanzania, anayesota rumande kwa muda wa siku tano, ni uchunguzi wa tuhuma zinazomkabili kutokamilika. Anaripoti Regina Mkonde, Dar es Salaam … (endelea).

Idris anashikiliwa katika Kituo  cha Polisi cha Oysterbay, wilayani Kinondoni jijini Dar es Salaam, tangu tarehe 19 Mei 2020, alipojisalimisha kituoni hapo, kwa ajili ya kuhojiwa dhidi ya kosa la uonevu kwa njia ya mtandao, linalomkabili.

Msanii huyo amekumbwa na tuhuma hizo, baada ya video inayomuonesha akiicheka picha ya zamani ya Rais John Magufuli, kusambaa mitandaoni hivi karibuni.

David Misime, Msemaji wa Jeshi la Polisi nchini Tanzania, akizungumza na Mwanahalisi Online kwa  simu, leo Jumamosi tarehe 23 Mei 2020, amesema msanii huyo hajapewa dhamana kwa kuwa, uchunguzi dhidi ya tuhuma zinazomkabili haujakamilika.

Misime amesema, Jeshi la Polisi haliwezi kukimbilia kumpa mtuhumiwa dhamana, wakati uchunguzi wa tuhuma zake haujakamilika.

“Kwanza niseme kwamba, ukikamatwa na polisi kwa tuhuma fulani wakati wa kukusanya ushahidi, wakati tunakuhoji tukigundua una makosa mengine tutaendelea kukuhoji nayo.  Hatuwezi kukimbilia kukupa dhamana eti kwa sababu kuna dhamana,” amesema Misime

“Lazima tukamilishe haya ambayo tunaona kwamba kuna umuhimu wa kufanya uchunguzi wa kutosheleza, ili kama mtu anapoonekana kuna  ushaidi wa kupelekwa mahakamani, apelekwe mahakamani na kama hakuna ushaidi aweze kuachiwa.”

Mapema leo Jumamosi asubuhi, wakati akizungumza na Mwanahalisi Online kwa njia ya simu leo, Benedict Ishabakaki, Wakili wa Idris, amesema anaendelea kufuatilia dhamana ya msanii huyo.

“Jana walikataa kutoa dhamana, na hawajatoa sababu. Wakishakwambia hakuna dhamana ina maana kesho yake unafuatilia tena, hivyo leo nafuatilia dhamana maana wanatoa siku yoyote,” amesema Wakili Ishabakaki.

Leave a comment

Leave a Reply

Your email address will not be published. Required fields are marked *

Related Articles

Makala & UchambuziMichezo

TFF kuamua hatima ya Amrouche

Spread the loveHATIMA ya Kocha Mkuu wa Taifa Stars, Adel Amrouche kuendelea...

Habari za SiasaMichezo

Matinyi: Dk. Ndumbaro alifanya utani ukaguzi mechi za Yanga, Simba

Spread the loveMsemaji Mkuu wa Serikali, Mobhare Matinyi amesema kauli iliyotolewa na...

Michezo

Gethsemane Group Kinondoni (GGK) waachia video ya Bwana Wastahili

Spread the loveWAIMBAJI maarufu nchini kutoka Gethsemane Group Kinondoni (GGK)SDA wameachia video...

BiasharaMichezo

Gamondi kocha bora mwezi Februari, NBC yamjaza manoti

Spread the loveBenki ya Taifa ya Biashara (NBC) ambae ni mdhamini Mkuu...

error: Content is protected !!