NEC watangaza Uchaguzi mdogo mwingine – MwanaHALISI Online
Mwenyekiti wa NEC, Jaji Semistocles Kaijage
Mwenyekiti wa NEC, Jaji Semistocles Kaijage

NEC watangaza Uchaguzi mdogo mwingine

UCHAGUZI mdogo katika kata 37 za Tanzania Bara unatarajiwa kufanyika tarehe 13 Oktoba 2018. Anaripoti Regina Kelvin … (endelea).

Tarehe hiyo imetangazwa leo tarehe 14 Septemba, 2018 na Mwenyekiti wa Tume ya Taifa ya Uchaguzi (NEC), Jaji wa Mahakama ya Rufaa, Semistocles Kaijage.

Amesema fomu za uteuzi wa wagombea katika uchaguzi wa kata hizo zilizoko katika halmashauri 27 kwenye mikoa 13 ya Tanzania Bara, zitatolewa kati ya  kati ya tarehe 15 hadi 21 Septemba, mwaka huu.

Jaji Kaijage ameeleza kuwa, kampeni za uchaguzi zitafanyika kuanzia tarehe 22 Septemba hadi tarehe 12 Oktoba, 2018.

 “Baada ya kupokea taarifa ya uwepo wa nafasi wazi za udiwani kwenye kata hizo kutoka kwa Waziri mwenye dhamana na Serikali za Mitaa, kwa kuzingatia masharti ya kifungu cha 13(3) cha Sheria ya Uchaguzi ya Serikali za Mitaa; Tume ina utaarifu umma kuhusu kuwepo kwa Uchaguzi mdogo katika Kata hizo thelathini na saba (37).”, amesema Jaji Kaijage.

Katika hatua nyingine, NEC imewateua Madiwani watatu Wanawake wa Viti Maalum kujaza nafasi wazi za madiwani katika Halmashauri tatu za Tanzania Bara, akiwemo Halima Salum Kisenga (CCM) wa Halmashauri ya Wilaya ya Kigamboni.

Na Emmy Anania Shemweta kupitia CCM katika Halmashauri ya Wilaya ya Lushoto na Nuru Mwalimu Chuma kupitia Chama cha Wananchi (CUF) katika Halmashauri ya Manispaa ya Ilala.

Jaji Kaijage amesema uteuzi huo umefanyika baada ya kupokea taarifa kutoka kwa Waziri mwenye dhamana ya Serikali za Mitaa, ambaye aliitarifu Tume kuwepo kwa nafasi wazi kupitia vyama hivyo baada ya walioteuliwa kufariki dunia na kujiuzulu.

UCHAGUZI mdogo katika kata 37 za Tanzania Bara unatarajiwa kufanyika tarehe 13 Oktoba 2018. Anaripoti Regina Kelvin ... (endelea). Tarehe hiyo imetangazwa leo tarehe 14 Septemba, 2018 na Mwenyekiti wa Tume ya Taifa ya Uchaguzi (NEC), Jaji wa Mahakama ya Rufaa, Semistocles Kaijage. Amesema fomu za uteuzi wa wagombea katika uchaguzi wa kata hizo zilizoko katika halmashauri 27 kwenye mikoa 13 ya Tanzania Bara, zitatolewa kati ya  kati ya tarehe 15 hadi 21 Septemba, mwaka huu. Jaji Kaijage ameeleza kuwa, kampeni za uchaguzi zitafanyika kuanzia tarehe 22 Septemba hadi tarehe 12 Oktoba, 2018.  “Baada ya kupokea taarifa ya uwepo wa…

Review Overview

User Rating: Be the first one !
0

About Regina Mkonde

Visit Us On FacebookVisit Us On TwitterVisit Us On Youtube