Mbunge alalamika wabunge kukatwa posho

KHATIBU Said Haji, Mbunge wa Konde (CUF) amelalamikia kitendo cha wabunge kukatwa fedha zao za vikao vya bunge kiholele. Anaripoti Danson Kaijage, Dodoma…(endelea).

Akiomba mwongozo bungeni tarehe 20 Juni 2019, baada ya maswali na majibu Haji amesema kuwa, anasimama kwa mujibu wa kanuni ya 68 (7) kuomba mwongozo kwamba, kwanini wabunge wamekuwa wakikatwa fedha zao za vikao vya bunge bila kuwashirikisha wabunge?

“Mheshimiwa Naibu Spika Jana tumelipwa fedha za vikao vya bunge lakini cha kushangaza zimekatwa bila sisi kujua na bila utaratibu, na kila mmoja akileta matatizo yake au ya wapiga kura wake ni makubwa mmo sasa ni kwa utaratibu gani tunakatwa fedha zetu ovyo bila kuwa na utaratibu,

“Mheshimiwa Naibu Spika kutokana na hali hiyo naomba mwongozo wako ili Mheshimiwa Naibu Spika tueleze nikwanini tunakatwa fedha zetu bila utaratibu na bila ridhaa yetu ukizingatia kila mbunge ana matatizo yake na wapiga kura wake na tukisema kila mmoja alete wapigakura wake kuja kuleta shida zake ni wengi ”amehoji Haji.

Akijibu mwongozo huo Naibu Spika Dk. Tulia Akson amesema kuwa hakuna mbunge ambaye anaweza kukatwa fedha zao kiholele bali kinachofanyika ni wabunge kukubaliana na hoja ambazo zinatolewa na wabunge pale ambapo wanakuja wageni.

“kumekuwa na tatizo la wabunge kuunga mkono pale inapotokea wageni na kutokea mbunge akatoa hoja ya kutaka mgeni huyo achangiwe,kutokana na hali hiyo ifike wakati sasa inapotekea mgeni akaja bungeni na akatokea mbunge akatoa hoja ya kutaka ngeni huyo hachangiwe wabunge mnaweza kuikubali hoja hiyo au kuikataa,

“Lakini waheshimiwa wabunge nilazima tuelewane kuwa hakuna ofisi ambayo inaweza kukata fedha ya mbunge bila ridhaa yetu au kiholela hivyo sasa nilazima wabunge tuwe makini katika kukubaliana na hoja kwa kuikubali au kuikataa” amesema Dk.Tulia.

KHATIBU Said Haji, Mbunge wa Konde (CUF) amelalamikia kitendo cha wabunge kukatwa fedha zao za vikao vya bunge kiholele. Anaripoti Danson Kaijage, Dodoma…(endelea). Akiomba mwongozo bungeni tarehe 20 Juni 2019, baada ya maswali na majibu Haji amesema kuwa, anasimama kwa mujibu wa kanuni ya 68 (7) kuomba mwongozo kwamba, kwanini wabunge wamekuwa wakikatwa fedha zao za vikao vya bunge bila kuwashirikisha wabunge? “Mheshimiwa Naibu Spika Jana tumelipwa fedha za vikao vya bunge lakini cha kushangaza zimekatwa bila sisi kujua na bila utaratibu, na kila mmoja akileta matatizo yake au ya wapiga kura wake ni makubwa mmo sasa ni kwa utaratibu gani…

Review Overview

User Rating: Be the first one !

About Danson Kaijage

error: Content is protected !!
Visit Us On FacebookVisit Us On TwitterVisit Us On YoutubeVisit Us On Instagram