Matokeo Kidato cha Nne haya hapa

BARAZA la Mitihani Tanzania (NECTA) limetangaza matokeo ya mtihani wa Kidato cha Nne wa mwaka 2015, huku yakionesha kiwango cha ufaulu kushuka kwa asilimia 1.85 ikilinganishwa na asilimia 69.76 ya mwaka 2014 hadi asilimia 67.91 ya mwaka 2015, anaandika Happyness Lidwino.

Akitangaza matokeo hayo, Dk. Charles Msonde, Katibu Mtendaji wa Baraza hilo amesema kuwa, jumla ya watahiniwa 272,947 sawa na asilimia 67.53 ya watahiniwa waliofanya mtihani wa Kidato cha Nne 2015 wamefaulu .

Dk. Msonde amesema, kwa upande wa watahiniwa wa shule, waliofaulu ni 240,996 sawa na asilimia 67.91 ya waliofanya mtihani, wasichana wakiwa 11,125 sawa na asilimia 64.84 na wavulana wakiwa 124,871 sawa na asilimia 71.09.

Kwa upande wa watahiniwa wa kujitegemea, Dk. Msonde amesema, watahiniwa 31,951 sawa na asilimia 64.80 wamefaulu ikilinganishwa na watahiniwa 29,162 sawa na asilimia 61.12 waliofaulu mwaka 2014.

Kwa upade wa ubora wa ufaulu kwa kuangalia madaraja waliyopata watahiniwa wa shule, Msonde amesema waliopata daraja la Kwanza ni 9,816 sawa na asilimia 2.77, daraja la pili ni 31,986 sawa na asilimia 9.01, daraja la tatu ni 48,127 sawa na asilimia 13.56.

Waliopata daraja la nne ni 240,996 sawa na asilimia 67.91 na waliopata daraja la sifuri (waliofeli) ni 113,489.

Watahiniwa waliopata ufaulu mzuri wa kati ya daraja la kwanza hadi la tatu ni 94,941 sawa na asilimia 24.73 wavulana wakiwa 56,603 sawa na 29.99 na wavulana 38,338 sawa na asilimia 19.63.

Amesema kwa upande wa ufaulu wa masomo kwa watahiniwa wa shule, ufaulu wa juu kabisa ni wa somo la Kiswahili ambapo asilimia 77.63 wamefaulu huku ufaulu wa chini kabisa ukiwa ni wa somo la Basic Mathematics ambapo asilimia 16.76 wamefaulu.

Matokeo hayo yamepangwa katika mfumo wa madaraja (Division) badala ya ule wa wastani wa alama (GPA) kama ambavyo iliagizwa na waziri wa Elimu, Sayansi, Teknolojia na Ufundi hivi karibuni.

SOMA MATOKEO YOTE HAPA

BARAZA la Mitihani Tanzania (NECTA) limetangaza matokeo ya mtihani wa Kidato cha Nne wa mwaka 2015, huku yakionesha kiwango cha ufaulu kushuka kwa asilimia 1.85 ikilinganishwa na asilimia 69.76 ya mwaka 2014 hadi asilimia 67.91 ya mwaka 2015, anaandika Happyness Lidwino. Akitangaza matokeo hayo, Dk. Charles Msonde, Katibu Mtendaji wa Baraza hilo amesema kuwa, jumla ya watahiniwa 272,947 sawa na asilimia 67.53 ya watahiniwa waliofanya mtihani wa Kidato cha Nne 2015 wamefaulu . Dk. Msonde amesema, kwa upande wa watahiniwa wa shule, waliofaulu ni 240,996 sawa na asilimia 67.91 ya waliofanya mtihani, wasichana wakiwa 11,125 sawa na asilimia 64.84 na…

Review Overview

User Rating: Be the first one !

About Masalu Erasto

error: Content is protected !!
Visit Us On FacebookVisit Us On TwitterVisit Us On YoutubeVisit Us On Instagram