Friday , 29 March 2024
Home Gazeti Habari za Siasa Mahakama ya Afrika: Matokeo urais Tanzania yapingwe mahakamani
Habari za Siasa

Mahakama ya Afrika: Matokeo urais Tanzania yapingwe mahakamani

Spread the love

SERIKALI ya Tanzania imetakiwa kufanyia marekebisho Ibara ya 41 (7) ya Katiba yake, inayopinga matokeo ya rais kupingwa mahakamani. Anaripoti Mwandishi Wetu…(endelea).

Amri hiyo imetolewa leo Jumatano tarehe 15 Julai 2020 na Mahakama ya Afrika ya Haki za Binadamu (AfCHPR), kupitia hukumu yake juu ya Kesi Na. 18/2018, iliyofunguliwa na Wakili Jebra Kambole dhidi ya Serikali ya Tanzania.

Katika kesi hiyo iliyofunguliwa mwaka 2018 mahakamani hapo, ilipinga kifungu hicho cha Katiba, kwa madai kwamba kinakiuka Mkataba wa Afrika wa Haki za Binadamu, Ibara ya 1, 2 na 7 (1).

Katika utetezi wake, Wakili Jebra alidai, Ibara ya 41 (7) inakiuka haki ya usawa mbele ya sheria, haki ya kutobaguliwa pamoja na haki ya kusikilizwa  katika vyombo vya maamuzi, kinyume na Mkataba wa Afrika wa Haki za Binadamu, ambao Tanzania iliuridhia.

Ibara hiyo 41 (7) inasomeka, “Iwapo mgombea ametangazwa na Tume ya Uchaguzi kwamba amechaguliwa kuwa Rais kwa mujibu wa ibara hii, basi hakuna Mahakama yoyote itakayokuwa na mamlaka ya kuchunguza kuchaguliwa kwake.”

Baada ya utetezi huo, AfCHPR imeiamuru Serikali ya Tanzania kufanyia marekebisho ibara hiyo, kisha ipeleke kwenye mahakama hiyo ripoti ya utekelezwaji wa amri hiyo, ndani ya muda wa miezi 12.

Pia, AfCHPR imeamuru Serikali ya Tanzania kuchapisha hukumu hiyo katika tovuti yake rasmi, pamoja na ya mahakama kisha ikae ndani ya muda wa mwaka mmoja, ili wananchi waisome.

Leave a comment

Leave a Reply

Your email address will not be published. Required fields are marked *

Related Articles

Habari za Siasa

Chadema yamtaka Rais Samia aunde tume kuchunguza mauaji mgodi wa Barick

Spread the loveRAIS Dk. Samia Suluhu Hassan, ameombwa aunde tume huru kwa...

Habari za SiasaMakala & Uchambuzi

Nani anasema kuna hasara ATCL?

Spread the loveRIPOTI za makusanyo na matumizi ya fedha katika Kampuni ya...

Habari za SiasaTangulizi

CAG: Wastaafu, wenza wao chanzo NHIF kufilisika

Spread the loveRIPOTI ya ukaguzi ya Mdhibiti na Mkaguzi Mkuu wa Hesabu...

Habari za SiasaTangulizi

Vikundi hewa 851 vyalamba bilioni 2.6 mikopo ya halmashauri

Spread the loveVIKUNDI hewa vya wajasirimali wadogo 851 kutoka katika halmashauri 19...

error: Content is protected !!