Friday , 29 March 2024
Home Gazeti Habari za Siasa  Lissu amtetea Dk. Mashinji 
Habari za Siasa

 Lissu amtetea Dk. Mashinji 

Katibu Mkuu wa Chadema, Dk. Vicent Mashinji
Spread the love

MWANASHERIA Mkuu wa Chama cha Maendeleo na Demokrasia (Chadema) ameikosoa serikali kuhusu namna inavyoshughulikia suala la uchochezi   katika serikali ya awamu ya tano, anaandika Victoria Chance.

Akiongea na waandishi wa habari  katika Makao Makuu ya Chadema Kinondoni Jijini Dar Es Salaam Lissu ameorodhesha  matukio mbalimbali ambayo serikali inadai kuwa ni ya uchochezi, orodha ambayo Lissu anaipinga.

Alianza kwa kuelezea  kwamba kuna utaratibu unaondaliwa ili kumfikisha Waziri Mkuu Mstaafu Edward Lowassa mahakamani kwa kosa la uchochezi kama ambavyo  mwalimu Julius Kambarage Nyerere alishtakiwa enzi za ukoloni wakati hakuwa na hatia.

Aidha Lissu alieleza kuwa Katibu Mkuu wa Chadema, Dk. Vicent Mashinji, aliwekwa ndani kwa sababu hiyo hiyo ya uchochezi. Tayari Dk. Mashinji amepewa dhamana ya polisi huko Mbamba Bay, mooani Ruvuma, alikokuwa amekamatiwa na polisi.

Lissu ameongezea kuwa, “Wabunge wetu kadhaa akiwemo Mbunge wa Kawe, Halima Mdee, na Mbunge wa Ubungo, Saed Kubenea,  amabao either (ama) wamekamatwa au kushtakiwa kwa makosa yanayofanana na hayo.”

Aliendelea, “Na kuna wanacahama zaidi ya 51 wa Wilaya ya Chato wamekatwa kwa sababu ya kufanya kikao cha ndani wakati dikteta uchwara akiwa likizo.”

Pia aliendelea  kuelezea kuwa kuna mamia ya watu wamewekwa ndani kwa kosa la kutumia simu zao kutuma ujumbe wa maandishi ambao haumpendezi Rais Magufuli na wapambe zake.

Kadhalika, alisema kuwa mnamo tarehe 29 Juni mwaka jana yeye mwenyewe alishtakiwa kwa kosa hilo hilo la uchochezi.

Kutokana na hayo Lissu amemalizia kwa kusema kwamba, “Rais Magufuli anatakiwa kupingwa  na ajue kwamba nchi hii inakatiba,  na kwamba, wale watakao muunga mkono katika haya ni dhahiri watakuwa hawana akili.”

Lissue amawahimiza Watanzania kipaza sauti zao kwani mahali tulipofikishwa sio salama kisiasa.

 

Leave a comment

Leave a Reply

Your email address will not be published. Required fields are marked *

Related Articles

Habari za SiasaMakala & Uchambuzi

Nani anasema kuna hasara ATCL?

Spread the loveRIPOTI za makusanyo na matumizi ya fedha katika Kampuni ya...

Habari za SiasaTangulizi

CAG: Wastaafu, wenza wao chanzo NHIF kufilisika

Spread the loveRIPOTI ya ukaguzi ya Mdhibiti na Mkaguzi Mkuu wa Hesabu...

Habari za SiasaTangulizi

Vikundi hewa 851 vyalamba bilioni 2.6 mikopo ya halmashauri

Spread the loveVIKUNDI hewa vya wajasirimali wadogo 851 kutoka katika halmashauri 19...

Habari za SiasaTangulizi

Mashirika matano yapata hasara mabilioni ya fedha

Spread the loveMASHIRIKA matano ya Serikali yanayojiendesha kibiashara, yamepata hasara ya mabilioni...

error: Content is protected !!