Friday , 29 March 2024
Home Gazeti Habari za Siasa Kushambuliwa Lissu, Mbowe: Chadema ‘tumepoteza imani’
Habari za Siasa

Kushambuliwa Lissu, Mbowe: Chadema ‘tumepoteza imani’

Freeman Mbowe, Mwenyekiti wa Chadema
Spread the love

CHAMA Cha Demokrasia na Maendeleo (Chadema), kimesema hakina imani na uchunguzi unaofanywa na Jeshi la Polisi kuhusu viongozi wake walioshambuliwa. Anaripoti Hamis Mguta, Dar es Salaam … (endelea).

Kauli hiyo imetolewa leo tarehe 25 Juni 2020 na John Mnyika, Katibu Mkuu wa Chadema wakati akizungumza na waandishi wa habari jijini Dar es Salaam.

Kauli hiyo ya Mnyika imekuja siku chache baada ya Simon Sirro, Mkuu wa Jeshi la Polisi nchini (IGP) kusema, jeshi lake halijamalizana na Tundu Lissu, Makamu Mwenyekiti wa Chadema aliyeshambuliwa tarehe 7 Septemba 2017.

“Hatuna imani na uchunguzi uliofanywa na Jeshi la Polisi, kama tulivyotangaza kwa tukio la Lissu, chama kinaendelea kutafakari hatua za ziada za kuchukua.

“…lakini kwa sasa tungependa wananchi wapuuze hizi njama za jeshi kutumika kuhalalisha kauli za uongo zilizotolewa kisiasa,” amesema Mnyika.

Akizungumzia kauli ya IGP Sirro kuhusu Lissu kukwamisha uchunguzi wa tukio la kushambuliwa kwake, Mnyika amepinga sababu hiyo akisema, Jeshi la Polisi ni wajibu wake kuchunguza tukio, hata kama mhanga hayupo.

Tundu Lissu, Makamu Mwenyekiti wa Chadema

“…katika hali ya kawaida, nikiri hadharani Jeshi la Polisi limeshindwa kuchunguza tukio, au IGP atoe majibu kwa umma kwa nini mpaka sasa hawajakamilisha uchunguzi huo,” amesema Mnyika.

Lissu na Freeman Mbowe, mwenyekiti wa chama hicho katika wakati tofauti, walishambuliwa na watu wasiojulikana, wakiwa kwenye makazi yao jijini Dodoma.

Lissu alishambuliwa kwa risasi na watu wasiojulikana Septemba 2020, wakati Mbowe alishambuliwa usiku wa kuamkia tarehe 9 Juni 2020. Hadi sasa, Jeshi la Polisi halijaeleza kukamatwa kwa wahusika.

Akieleza kushambuliwa kwa Mbowe, Mnyika amesema Chadema ina mashaka na kauli iliyotolewa na IGP Sirro, kwamba mwenyekiti huyo alitoa taarifa za uongo kuhusu kushambuliwa kwake.

Leave a comment

Leave a Reply

Your email address will not be published. Required fields are marked *

Related Articles

Habari za SiasaMakala & Uchambuzi

Nani anasema kuna hasara ATCL?

Spread the loveRIPOTI za makusanyo na matumizi ya fedha katika Kampuni ya...

Habari za SiasaTangulizi

CAG: Wastaafu, wenza wao chanzo NHIF kufilisika

Spread the loveRIPOTI ya ukaguzi ya Mdhibiti na Mkaguzi Mkuu wa Hesabu...

Habari za SiasaTangulizi

Vikundi hewa 851 vyalamba bilioni 2.6 mikopo ya halmashauri

Spread the loveVIKUNDI hewa vya wajasirimali wadogo 851 kutoka katika halmashauri 19...

Habari za SiasaTangulizi

Mashirika matano yapata hasara mabilioni ya fedha

Spread the loveMASHIRIKA matano ya Serikali yanayojiendesha kibiashara, yamepata hasara ya mabilioni...

error: Content is protected !!