Askofu Msaidizi wa Jimbo la Bukoba, Methodius Kilaini
Askofu Msaidizi wa Jimbo la Bukoba, Methodius Kilaini

Askofu Kilani amkana Kardinali Pengo

Share on FacebookShare on Google+Tweet about this on TwitterShare on LinkedIn

ASKOFU Msaidizi wa Jimbo la Bukoba, Methodius Kilaini, amekana kujiengua na viongozi wenzake wa madhehebu ya Kikristo wanaosisitiza waumini wao kupigia kura ya hapana Katiba Pendekezwa.  Anaandika Saed Kubenea … (endelea).

Kwa mujibu wa mawasiliano kati ya kiongozi huyo na baadhi ya viongozi wenzake wa madhehebu ya Kikristo, Askofu Kilaini amekana madai kuwa yeye amepingana na viongozi wenzake wa madhehebu ya Kikristo na kuongeza, “Gazeti hili la Uhuru linanipakazia.”

Askofu Kilaini amenukuliwa akisema,  “Nimeshangazwa sana na habari hii iliyoandikwa na gazeti la Uhuru. Hawa watu wameamua kunisingizia kuwa eti niko nao. Nakuapia siko nao.”

Alikuwa akitoa ufafanuzi baada ya gazeti linalomilikiwa na Chama Cha Mapinduzi (CCM) – Uhuru – toleo la  Alhamisi 19 Machi 2015, kudai kuwa Askofu Kilaini ameungana na Askofu Mkuu wa Jimbo Kuu la Dar es Salaam, Mwadhama Polycarp Kardinali Pengo, kupinga msimamo wa maaskofu.

Katika habari hiyo, gazeti hilo linalotumika kukifanyia parapaganda CCM limedai Askofu Kilaini ameungana na Kardinali Pengo kukana tamko lililotolewa na viongozi wenzao wa madhehebu ya Kikristo juu ya Katiba Pendekezwa.

Madhehebu ya Kikristo yamewataka waumini wake kupigia kura ya hapana kile kinachoitwa, “Katiba Inayopendekezwa,” kwa kile ilichoeleza kusheheni mapungufu ikiwamo kutupwa kwa maoni ya wananchi.

Akifungua mafungo ya Wanawake Wakatoliki Tanzani, Jimbo Kuu la Dar es Salaam, Kardinali Pengo alisema, “..sisi maaskofu hatuna mamlaka ya kulazimisha wakristo au waamini pamoja na watu wengine… kuwalazimisha watende kitu kinyume cha dhamiri yao.”

Kardinali Pengo alikuwa akizungumzia matamko mawili, ya Jukwaa la Wakristu na la Baraza la Maaskofu Tanzania.

Hata hivyo, Kardinali Pengo amekiri kuwa viongozi waliotoa matamko hayo, ni watu wakubwa sana; wamekabidiwa madaraka makubwa katika kanisa na hawawezi kupuuzwa kwa sababu matamko yao wameyatoa baada ya tafakari kubwa.

Amesema, “Jambo ambalo ningependa kila moja wetu atambue ni hili; kwamba matamko yote mawili yanaashiria mgawanyiko wa taifa letu, kati ya wakrtisto na wasiokuwa wakristu.”

Amesema, “Lazima tulitambue na tutambue kwamba matamko haya yanaweka Jumuiya ya Wakristu dhidi ya serikali ya nchi yetu ya Tanzania. Haya mambo mawili lazima tuyatambue wakati tunasoma matamko haya…”

“…Nikiwa katika hali hii ta ukamilifu nililetewa nakala hii iliyopo hapa mbele yangu, nikaulizwa je, isomwe katika makanisa ya maparokia zote katika Jimbo Kuu la Dar es salaam? Nikasema mimi ni nani kupinga jambo ambalo limeshatamkwa na maaskofu wote. Kwa nini nizuie, hata nikizuia yamechapwa katika magazeti na yatachapwa katika magazeti. Kwa nini nizuie waamini wakatoliki katika parokia zao wasijue haya yaliyoandikwa, sina sababu.”

Kardinali Pengo amesema, “Lakini nililonalo ambalo ni muhimu kwangu kama mchungaji ni kutoa maoni yangu mbele yenu kuhusu barua zote hizi mbili. Barua zote mbili kama nilivyosema zimetengenezwa kutokana na umakini wa hali ya juu, lakini sisi maaskofu hatuna mamlaka ya kulazimisha wakristo…”

Amesema, “Tungekuwa na mamlaka hayo tukawa tumeyapokea kutoka kwa Mwenyezi Mungu, tungemwuliza mwenyezi Mungu kwa nini hujatumia mamlaka hayo watu wanaendelea kutenda madhambi na wewe unawatazama.”

Lakini kwa sauti njia ya unyenyekevu, Askofu Kilaini, ambaye amewekwa Wakfu na Kardinali Agnelo Rossi mwaka 2000 amesema, “…Uhuru wamenisingizia. Sina mamlaka ya kupingana na kanisa na wala ndani ya moyo wangu sijawahi kuwa na dhamira ya aina hiyo.”

Askofu Kilani alizaliwa Katoma, Bukoba tarehe 30 Machi 1948 na kutunukiwa shahada ya pili ya Teolojia huko Roma. Aliwahi kuwa katibu mkuu wa TEC.

Madhehebu ya Kikristo nchini yametaka serikali kusitisha mpango wake wa kuwasilisha bungeni musaadwa wa marekebisho ya Sheria Na. 2 juu ya Tamko la Sheria ya Kiislam ya mwaka 1964.

Taarifa iliyotolewa na Jukwaa hilo hivi karibuni, imesema Muswada huo unaolenga kuanzishwa kwa Mahakama ya Kadhi utasabisha kuvunjika kwa misingi ya taifa hili na kuibua hisia za kibaguzi.

“Mapendekezo ya kurekebisha Sheria ya Tamko la Sheria za Kiislamu ni mapendekezo makubwa yatakayokuwa na athari kubwa na nzito; kwani yanahoji msingi wa dola ya Tanzania kama dola isiyokuwa ya kidini,” wameeleza maaskofu.

Tamko la madhehebu ya kidini limesainiwa na Askofu Dk. Alex Malasusa, Askofu Ngalalekumtwa na Askofu Daniel Awet kutoka CPCT.

Kwa mujibu wa tamko hilo, Mahakama za Kadhi, pamoja na Mahakama za Wenyeji (Native Courts), zilizokuwepo wakati wa ukoloni zilifutwa na Sheria ya Mahakama za Mahakimu (Magistrates Courts Act) ya mwaka 1963.

Wamesema, “Tangu wakati huo, mahakama hizi hazipo na hazitambuliwi na sheria yoyote. Hivyo, mapendekezo ya muswada huu yakipitishwa yatakuwa yanaanzisha mahakama hizo.”

Share on FacebookShare on Google+Tweet about this on TwitterShare on LinkedIn
ASKOFU Msaidizi wa Jimbo la Bukoba, Methodius Kilaini, amekana kujiengua na viongozi wenzake wa madhehebu ya Kikristo wanaosisitiza waumini wao kupigia kura ya hapana Katiba Pendekezwa.  Anaandika Saed Kubenea … (endelea). Kwa mujibu wa mawasiliano kati ya kiongozi huyo na baadhi ya viongozi wenzake wa madhehebu ya Kikristo, Askofu Kilaini amekana madai kuwa yeye amepingana na viongozi wenzake wa madhehebu ya Kikristo na kuongeza, "Gazeti hili la Uhuru linanipakazia." Askofu Kilaini amenukuliwa akisema,  "Nimeshangazwa sana na habari hii iliyoandikwa na gazeti la Uhuru. Hawa watu wameamua kunisingizia kuwa eti niko nao. Nakuapia siko nao.” Alikuwa akitoa ufafanuzi baada ya gazeti linalomilikiwa na…

Review Overview

User Rating: Be the first one !
0

About Saed Kubenea

Visit Us On FacebookVisit Us On TwitterVisit Us On Youtube