Mpira wa miguu

IFAB yafanya mabadiliko ya kanuni kwenye Soka

BODI ya Kimataifa ya Shirikisho la Mpira wa Miguu (IFAB) imefanya mabadiliko ya kanuni ya mchezo wa soka kwenye kikao kilichofanyika wiki iliyopita nchini Scotland na mabadiliko hayo yataanza kutumika misimu ujao wa mashindano 2019/20. Inalipoti Mitandao ya Kimataifa … (endelea).

IFAB imefanya jumla ya mabadiliko saba yakihusisha sehemu ya ndani ya uwanja na nje ya uwanja wakati mchezo husika ukiendelea.

Badiliko la kwanza ni kutokuwa na mrejesho (rebound) kwenye pigo la penalti na mchezo utasimama kwa kuanzishwa kama mpira wa penalti utakuwa umeokolewa au kugonga mwamba kwa hiyo hakutokuwa na haja ya wachezaji kujipanga nje ya boksi wakati penalti hiyo ikipigwa.

Badiliko la pili, endapo goli lolote litafungwa likiwa limegusa mkono wa mchezaji kwa makusudi au bahati mbaya halitakubalika na endapo mchezaji atakuwa anafanyiwa mabadiliko ataruhusiwa kutoka kupitia upande wowote ule wa uwanja ili kuepusha swala la kupoteza muda.

Mabadiliko mengine yaliofanywa na bodi hiyo ni mpira wa kuanza kwa kipa (goal kick) mchezaji ataruhusiwa kuugusa mpira huo hata akiwa ndani ya eneo la boksi kutoka kwa kipa tofauti na hapo awali mchezaji alikuwa haruhusiwi kugusa mpira huo mpaka utoke nje ya boksi.

Kwa upande wa makocha nao watakuwa wanaoneshwa kadi ya njano na nyekundu tofauti na sasa wanaambiwa watoke tu kwenye eneo la benchi la ufundi na baada ya kuoneshewa kadi hiyo nao watakuwa wanakosa baadhi ya michezo.

Maeneo mengine yaliofanyiwa mabadiliko ni kwenye kuweka ukuta wa kuzuia mpira wa adhabu ndogo (foul) ambapo wachezaji wa wanapiga mpira huo hawatoruhusiwa kwenda kujumuika kwenye ukuta wa timu ambayo inazuia mpira huo, na kwenye adhabu kubwa ya penalti makipa wataruhusiwa kuweka mguu mmoja kwenye mstari na mwingine kuamua ukae popote.

Hivi karibuni mchezo wa mpira wa miguu umekuwa ukifanyiwa mabadiliko mengi ikiwamo ya teknolojia kama kutumia video katika maamuzi (video assistance referee) iliyotumika kwa mara ya kwanza kwenye michuano ya kombe la Dunia iliyofanyika Urusi Juni, 2018.

BODI ya Kimataifa ya Shirikisho la Mpira wa Miguu (IFAB) imefanya mabadiliko ya kanuni ya mchezo wa soka kwenye kikao kilichofanyika wiki iliyopita nchini Scotland na mabadiliko hayo yataanza kutumika misimu ujao wa mashindano 2019/20. Inalipoti Mitandao ya Kimataifa ... (endelea). IFAB imefanya jumla ya mabadiliko saba yakihusisha sehemu ya ndani ya uwanja na nje ya uwanja wakati mchezo husika ukiendelea. Badiliko la kwanza ni kutokuwa na mrejesho (rebound) kwenye pigo la penalti na mchezo utasimama kwa kuanzishwa kama mpira wa penalti utakuwa umeokolewa au kugonga mwamba kwa hiyo hakutokuwa na haja ya wachezaji kujipanga nje ya boksi wakati penalti…

Review Overview

User Rating: Be the first one !

About Mwandishi Wetu

error: Content is protected !!
Visit Us On FacebookVisit Us On TwitterVisit Us On YoutubeVisit Us On Instagram