Geita kunufaika na bilioni 9 za GGML

Spread the love

KAMPUNI ya Geita Gold Mining Limited (GGML) pamoja na Halmashauri ya Mji wa Geita wamesaini makubaliano ya utekelezaji wa Mpango wa kusaidia Jamii (CSR) kwa mwaka 2020 wenye thamani ya Sh.9.2 bilioni. Anaripoti Mwandishi Wetu, Geita … (endelea).

Makubaliano hayo yamethibitisha ahadi GGML kwa Serikali baada ya kutekeleza mabadiliko yaliyomo kwenye kifungu cha 105 cha Sheria ya Madini ambacho kinajumuisha utekelezaji wa Mpango wa uwajibikaji kwa jamii (CSR).

Utekelezaji wa mpango huo wa CSR utanufaisha jamii ya Geita katika maeneo ya mazingira, miundombinu, afya, elimu na biashara ndogo na za kati (SMEs).

Akizungumza katika hafla ya kusaini makubaliano hayo jana Jumatano tarehe 12 Oktoba 2020, Mkuu wa Mkoa wa Geita, Mhandisi Robert Gabriel alisema namna Serikali inavyothamini ushirikiano mzuri uliopo kati GGML na jamii ya Geita.

Alisema GGML inajitahidi kusaidia Serikali za kuwa na maendeleo endelevu ya jamii na uchumi katika jamii ya mji wa Geita.

Aidha, Mkurugenzi Mtendaji wa GGML, Richard Jordinson alisema, hatua hiyo inatekeleza malengo ya kampuni hiyo kuendeleza ushirikiano na serikali za mitaa na jamii nzima kwa ujumla katika kutambua na kusimamia miradi muhimu kwa mustakabali endelevu wa mkoa wa Geita.

“Tunafurahi sana kuendeleza ahadi yetu kwa Serikali na jamii wenyeji. Katika mwaka huu wa tatu wa utekelezaji wa mpango huu baada ya mabadiliko ya sheria ya madini.”

“Ni matumaini yetu kuwa tunaweza kuendeleza tulipoishia katika miradi iliyopita ili kuongeza tija na umiliki kwa jamii lakini pia kuendelea kuahidi ushirikiano katika miradi endelevu ambayo itaendelea kuwepo hata baada ya shughuli za mgodi,” alisema.

Jordinson alisema, tangu GGML ianzishwe, imekuwa ikifanya kazi kwa karibu na serikali ya mkoa wa Geita kusaidia miradi kadhaa ya kijamii katika mkoa wa Geita kupitia ushirikiano baina ya Serikali na sekta binafsi (PPP) sanjari na mpango ya Kitaifa.

“Pamoja na tunu yake kuu ya kusaidia jamii ya Geita kuwa na maendeleo endelevu kijamii na kiuchumi ambayo yatabakia hata baada ya shughuli za uchimbaji kumalizika.”

“Pia, kampuni imefadhili utekelezaji wa miradi mbalimbali ikiwamo usambazaji wa maji safi, uendelezaji wa shughuli za uchumi katika sekta za kiimo, ujenzi na huduma,” alisema.

KAMPUNI ya Geita Gold Mining Limited (GGML) pamoja na Halmashauri ya Mji wa Geita wamesaini makubaliano ya utekelezaji wa Mpango wa kusaidia Jamii (CSR) kwa mwaka 2020 wenye thamani ya Sh.9.2 bilioni. Anaripoti Mwandishi Wetu, Geita ... (endelea). Makubaliano hayo yamethibitisha ahadi GGML kwa Serikali baada ya kutekeleza mabadiliko yaliyomo kwenye kifungu cha 105 cha Sheria ya Madini ambacho kinajumuisha utekelezaji wa Mpango wa uwajibikaji kwa jamii (CSR). Utekelezaji wa mpango huo wa CSR utanufaisha jamii ya Geita katika maeneo ya mazingira, miundombinu, afya, elimu na biashara ndogo na za kati (SMEs). Akizungumza katika hafla ya kusaini makubaliano hayo jana…

Review Overview

User Rating: Be the first one !

About Mwandishi Wetu

Leave a Reply

Your email address will not be published.

error: Content is protected !!