Thursday , 28 March 2024
Home Gazeti Habari za Siasa Faini Mbowe, wenzake: 108 Mil zakusanywa usiku kucha
Habari za SiasaTangulizi

Faini Mbowe, wenzake: 108 Mil zakusanywa usiku kucha

Noti za Elfu Kumi
Spread the love

ZAIDI ya Tsh. 108,262,000 tayari zimekusanywa ndani ya saa 12, tangu faini ya Freeman Mbowe na wenzake kuwa wazi jana tarehe 10 Machi 2020. Anaripoti Regina Mkonde, Dar es Salaam … (endelea).

Fedha hizo zimekusanywa kutoka kwa wananchi na wanachama wa Chama cha Demokrasia na Maendeleo (Chadema), kuelekea lengo la kuwakomboa viongozi hao leo tarehe 11 Machi 2020.

Taarifa iliyotolewa na Chadema leo imeeleza kuwa, mpaka kufika saa 1:20 asubuhi, kiasi hicho cha fedha tayari kimepatikana ikiwa ni pungufu ya Tsh. 246,738,000.

Nguvu ya umma kazini…hadi alfajiri ya leo Jumatano, Machi 11, 2020, mchango kupitia simu na fedha taslimu, umefikia Tsh. 108,262,000. Tunakaribia kufikia nusu. Tuendelee kuchangia na kuhamasishana kuchangia, kwa simu, benki au kutoa taslimu,” imeeleza taarifa hiyo.

Chadema kimeendelea kuhamasisha wanachama wake kuchanga TSh. 350 milioni kwa ajili ya kuwalipa dhamani viongozi wanane wa chama hicho, waliotiwa hatiani jana tarehe 10 Machi 2020 na Mahakama ya Hakimu Mkazi Kisutu.

Viongozi hao walihukumiwa kulipa kiasi hicho au kwenda jela miezi mitano kwa kila kosa. Walitiwa hatiani kwa makosa 12 kati ya 13 yaliyokuwa yanawakabili.

Hata hivyo, fedha hizo hazikupatikana jana na hivyo kupelekwa jela mpaka fedha hizo zitakapolitwa.

Leave a comment

Leave a Reply

Your email address will not be published. Required fields are marked *

Related Articles

Habari za SiasaMakala & Uchambuzi

Nani anasema kuna hasara ATCL?

Spread the loveRIPOTI za makusanyo na matumizi ya fedha katika Kampuni ya...

Habari za SiasaTangulizi

CAG: Wastaafu, wenza wao chanzo NHIF kufilisika

Spread the loveRIPOTI ya ukaguzi ya Mdhibiti na Mkaguzi Mkuu wa Hesabu...

Habari za SiasaTangulizi

Vikundi hewa 851 vyalamba bilioni 2.6 mikopo ya halmashauri

Spread the loveVIKUNDI hewa vya wajasirimali wadogo 851 kutoka katika halmashauri 19...

Habari za SiasaTangulizi

Mashirika matano yapata hasara mabilioni ya fedha

Spread the loveMASHIRIKA matano ya Serikali yanayojiendesha kibiashara, yamepata hasara ya mabilioni...

error: Content is protected !!