Dk. Mwinyi arejesha fomu, asifu demokrasia CCM

WAZIRI wa Ulinzi na Jeshi la Kujenga Taifa (JKT), Dk. Hussein Mwinyi amerejesha fomu za kuwania Urais wa Zanzibar ndani ya Chama Cha Mapinduzi (CCM). Anaripoti Mwandishi Wetu, Zanzibar … (endelea).

Dk. Mwinyi ambaye ni mtoto wa Rais mstaafu Ali Hassan Mwinyi alikuwa wa tano kati ya wagombea 26 kuchukua fomu hizo katika Ofisi Kuu za CCM, zilizopo Ugunja visiwani humo tarehe 17 Juni 2020.

Baada ya kukabidhiwa fomu hizo, Dk. Mwinyi alisema asingeweza kuongea lolote na anachofanya, anakwenda kuzipitia fomu hizo na kuona kuna nini anapaswa kukifanya. Kubwa ni kutafuta wadhamini wasiopungua 250.

Leo Jumatano mchana tarehe 24 Juni 2020, Dk. Mwinyi amerejesha fomu hizo huku akizungumza kwa ufupi kuwa, “chama chetu kina demokrasia ya hali ya juu, kila aliyetaka anaruhusiwa.”

Dk. Mwinyi ambaye pia ni Mbunge wa  Kwahani amesema kwa sasa anaacha  mchakato wa ndani wa chama kuendelea.

Wagombea waliochukua fomu ni;

1. Mbwana Bakari Juma
2. Ali Abeid Karume
3. Mbwana Yahya Mwinyi :
4. Omar Sheha Mussa
5. Hussein Ali Mwinyi
6. Shamsi Vuai Nahodha
7. Mohammed Jaffar Jumanne
8. Mohammed Hijja Mohammed
9. Issa Suleiman Nassor
10. Makame Mnyaa Mabarawa
11. Mwatum Mussa Sultan
12. Haji Rashid Pandu
13. Abdulhalim Mohammed Ali
14. Jecha Salum Jecha
15. Dk Khalid Salum Mohammed
16. Rashid Ali Juma
17. Khamis Mussa Omar
18. Mmanga Mjengo Mjawiri
19. Hamad Yussuf Masauni
20. Mohammed Aboud Mohammed
21. Bakari  Rashid Bakari
22. Hussein Ibrahim Makungu
23. Ayoub Mohammed Mahmoud
24. Hashim Salum Hashim
25. Hasna Atai Masound
26. Fatma Kombo Masound