Dewji aitabiria makubwa Simba dhidi ya TP Mazembe

MFANYABIASHARA Azim Dewji ameitabiria makubwa klabu ya Simba katika mchezo wa marudiano wa robo fainali ya Ligi ya Mabingwa Afrika dhidi ya TP Mazembe ya DR Congo, utakaochezwa Jumamosi jijini Lumbumbashi. Anaripoti Mwandishi Wetu … (endelea).

Dewji amesema pamoja na Simba kupata sare katika uwanja wa nyumbani lakini ana imani kubwa kuwa wataweza kufanya vizuri wakiwa ugenini kutokana na kuwa na wachezaji wa kiwango cha juu wanaoweza kupamba na timu yoyote.

Amesema kitu pekee kinachopaswa kufanywa na wachezaji na viongozi wa Simba ni kutokuwa na wasiwasi na  mchezo huo na badala yake kuelekeza nguvu na akili zao uwanjani.

“Kweli TP Mazembe ni timu ngumu na kongwe. Ukiangalia ina historia kubwa Afrika na ndani ya miaka hii kumi tumeshuhudia ikitwaa ubingwa tofauti wa michuano ya CAF mara tano.  Ni rekodi bora sana, lakini pamoja na ubora wao, nikiangalia ubora na uthubutu wa wachezaji wa Simba, naona vijana wetu wanaweza kufanya kweli.

“Wachezaji wa sasa wa Simba nawafananisha na wale wa enzi zile tunafika fainali CAF (1993). Walikuwa wanajituma sana uwanjani. Na hawa ukiwaangalia wana kila kitu kinachoweza kuwaduwaza TP Mazembe kwao. Angalia walivyowakimbiza hapa Dar es Salaam, kwa kawaida Mazembe si wa kujiangusha hivyo, lakini uliona katika mchezo wa kwanza, walizidiwa sana ila bahati haikuwa kwa Simba,” alisema Dewji.

Akizungumzia tukio la klabu hiyo kupinga kubadilishiwa mwamuzi wa mchezo wa marudiano dhidi ya TP Mazembe, alisema jambo hilo litawarejesha mchezoni wachezaji, lakini pia kuongeza umakini wa waamuzi katika mchezo huo.

“Hata kama CAF hawatabadilisha uamuzi huo, mwamuzi aliyepangwa (Janny Sikazwe wa Zambia) atakuwa makini zaidi na kizuri ni kwamba hatataka kuharibu sifa zake zilizomwezesha kuchezesha michuano karibu yote mikubwa duniani. Amechezesha Kombe la Dunia mara mbili, Kombe la Mataifa ya Afrika mara mbili, pia fainali za Klabu Bingwa ya Dunia, achilia mbali hii michuano ya klabu Afrika,” alisema Dewji.

Katika mchezo wa kwanza mwishoni mwa wiki iliyopita jijini Dar es Salaam, timu hizo hazikufungana, hivyo kuzifanya timu zote kuwa na nafasi ya kusonga mbele hatua ya nusu fainali.

MFANYABIASHARA Azim Dewji ameitabiria makubwa klabu ya Simba katika mchezo wa marudiano wa robo fainali ya Ligi ya Mabingwa Afrika dhidi ya TP Mazembe ya DR Congo, utakaochezwa Jumamosi jijini Lumbumbashi. Anaripoti Mwandishi Wetu ... (endelea). Dewji amesema pamoja na Simba kupata sare katika uwanja wa nyumbani lakini ana imani kubwa kuwa wataweza kufanya vizuri wakiwa ugenini kutokana na kuwa na wachezaji wa kiwango cha juu wanaoweza kupamba na timu yoyote. Amesema kitu pekee kinachopaswa kufanywa na wachezaji na viongozi wa Simba ni kutokuwa na wasiwasi na  mchezo huo na badala yake kuelekeza nguvu na akili zao uwanjani. “Kweli TP…

Review Overview

User Rating: Be the first one !

About Mwandishi Wetu

Visit Us On FacebookVisit Us On TwitterVisit Us On Youtube