Damu salama tatizo Shinyanga

Share on FacebookShare on Google+Tweet about this on TwitterShare on LinkedIn

MGANGA Mkuu wa Hospitali ya mkoa wa Shinyanga, Dk. Ntuli Kapologwe ameanzisha mfuko maalum kwa ajili ya kupambana na tatizo la ukosefu wa damu. Anaandika Dany Tibason, Shinyanga … (endelea).

Dk. Kapologwe amesema tatizo la damu ni kubwa hivyo amelazimika kuanzisha kampeni ya upatikanaji wa damu ikiwa ni pamoja na uanzishwaji mfuko maalum.

Mkuu huyo amesema kwa mwezi mkoa unatakiwa kuwa na uniti 350 za damu lakini kabla ya kuanzishwa kwa kampeni ya utafutaji wa damu zilikuwa zikipatikana uniti 20 jambo ambalo ni hatari.

“Tatizo la upatikanaji wa damu salama lipo wazi na wala halifichiki kutokana na hali hiyo katika mkoa wa Shinyanga tumeanzisha kampeni ya upatikanaji wa damu sambamba na kuanzisha mfuko maalum.

“Nimewashirikisha wafanyakazi wa sekta mbalimbali, wafanyabiashara, mifuko mbalimbali ya kijamii ili kuunga mkono juhudi za upatikanaji wa damu salama,” amesema Dk. Kapologwe.

Aidha Dk. Kapologwe amesema baada ya kuanzisha mfuko huo wa damu kwa sasa wameweza kukusanya uniti 200 za damu huku wakiwa na upungufu wa uniti 150.

Hata hivyo amesema licha ya ukosefu wa fedha lakini bado kuna changamoto kubwa ya upatikanaji damu ikiwa ni pamoja na jamii kutojitokeza kutoa damu.

“Unajua tatizo la damu ni kubwa sana lakini jamii nayo haina elimu ya kutosha katika utoaji damu mara nyingi wanaogopa unaweza kuona watu wakiwa kumi wameleta mgonjwa, lakini anapofikia hatua ya kutoa damu wanaondoka kati ya hao kuni anatokea mmoja.

“Hilo kama halitoshi hata kada ya watumishi bado wana hofu ya utoaji damu utashangaa kuona hawajitokezi katika utoaji damu,” amesema Dk. Kapologwe.

Kuhusu huduma mahospitalini amesema ili huduma iwe nzuri zaidi ni vyema watanzania wengi wakajiunga katika Huduma ya Mfuko wa Bima ya Afya.

Amesema jambo lingine ni viongozi kufanya mambo kwa utekelezaji na ufuatiliaji badala ya kutoa maagizo ambayo hayatekelezeki.

Share on FacebookShare on Google+Tweet about this on TwitterShare on LinkedIn
MGANGA Mkuu wa Hospitali ya mkoa wa Shinyanga, Dk. Ntuli Kapologwe ameanzisha mfuko maalum kwa ajili ya kupambana na tatizo la ukosefu wa damu. Anaandika Dany Tibason, Shinyanga ... (endelea). Dk. Kapologwe amesema tatizo la damu ni kubwa hivyo amelazimika kuanzisha kampeni ya upatikanaji wa damu ikiwa ni pamoja na uanzishwaji mfuko maalum. Mkuu huyo amesema kwa mwezi mkoa unatakiwa kuwa na uniti 350 za damu lakini kabla ya kuanzishwa kwa kampeni ya utafutaji wa damu zilikuwa zikipatikana uniti 20 jambo ambalo ni hatari. "Tatizo la upatikanaji wa damu salama lipo wazi na wala halifichiki kutokana na hali hiyo katika…

Review Overview

User Rating: Be the first one !
0

About Dany Tibason

Visit Us On FacebookVisit Us On TwitterVisit Us On Youtube