CCM, Ukawa ngoma nzito umeya Dar

CHAMA Cha Mapinduzi (CCM) kwa kushirikiana na Halmashauri ya Jiji la Dar es Salaam wanashiriki kuvuruga utaratibu wa uchaguzi wa Meya wa Jiji hilo, anaandika Happyness Lidiwno.

Sara Yohana, Kaimu Mkurugenzi wa Jiji amehairisha tena uchaguzi wa Meya wa jiji hilo kwa mara ya nne sambamba na matakwa ya CCM ambao tangu awali hawakuonesha nia ya kushiriki kwenye uchaguzi huo.

Kabla ya kuahirishwa kwa uchaguzi huo, wanachama wa Ukawa walifika mapema na kuingia kwenye Ukumbi wa Kareem Jee huku wanachama wa CCM wakijizoazoa kuingia ukumbini hapo.

Theresia Mbando ambaye alikuwa Mwenyekiti wa Mkutano huo, alitoka nje na kuwataka wajumbe hao wa CCM kuingia ukimbini ili mkutano huo kuanza.

Baada ya CCM kuingia ndani, Mbando alifuata taratibu zote za kiitifaki katika kufungua kikao hicho ikiwa ni pamoja na kugawa ratiba za mkutano huo.

Wajumbe wakiwa tayari kwenda na ratiba ya mkutano huo, ndipo Sara (Kaimu Mkurugenzi) alisimama ghafla na kutangaza kughairishwa kikao hicho.

Yohana alidai kwenye maelezo yake kwamba, amepokea zuio kutoka Mahakama ya Kisutu iliyomtaka kutoendesha uchaguzi huo.

“Tunaghairisha uchaguzi huu kwa kuheshimu zuio la mahakama ambalo litadumu kwa miezi mitatu hadi pale kesi ya msingi itakaposikilizwa ndipo tutaitisha tena uchaguzi,” amesema Sara.

Mara tu baada ya kauli yake, wajumbe wa CCM harakaharaka walisimama na kutoka nje huku wakicheka wengine wakisema “hahahaaa, wajiju. Shoga kwaheri” huku wakigonganisha mikono.

Wakati Mwenyekiti na Kaimu Mkurugenzi wakijiandaa kutoka nje ya ukumbi, wananchi pamoja na viongozi wa wanaounda Umoja wa Katiba ya Wananchi (Ukawa) waliwazuia wakidai kupewa ufafanuzi zaidi wa zuio hilo.

“Hapa huondoki hadi utuoneshe barua kutoka mahakamani, hakimu aliyetoa hilo zuio, aliyefungua madai na sababu za kuzuia uchaguzi,” mjumbe mmoja wa Ukawa alisikika akisema hivyo.

Si mwenyekiti wala kaimu mkurugenzi aliyeweza kujibu maswali ya Ukawa, wakati huo viongozi hao walikuwa wamezingirwa na ahama pia wajumbe wa Ukawa.

Kwa mujibu wa viongozi wa Ukawa, zuio lililobandikwa lilikuwa ni la tarehe 5 Februari mwaka huu ambalo lilikuwa linazuia uchaguzi uliokuwa umepangwa kufanyika tarehe 8 Februari mwaka huu.

“Kwanza hata hivyo kama kweli uchaguzi haujafanyika kwa sababu ya zuio hilo kwanini mkurugenzi aliitisha uchaguzi? Inamaana hakujua kama kuna zuio? Huu ni wizi na ni njama baina ya CCM na Mkurugenzi” viongozi wa Ukawa walisikika wakilalamika.

Baada ya vurugu kuzidi, polisi zaidi ya 15 waliobeba silaha wakaingia ukumbini na kumtoa mwenyekiti kwa nguvu kwa kumpitisha mlango wa dharura na kupandishwa gari lao kisha kutokomea.

Baada ya vurugu kutulia, Ukawa walikaa kikao ambapo John Mnyika, Mbunge wa Kibamba alitoa tamko ambalo liliazimiwa na vingozi wa Ukawa kwamba, wajumbe watawanyike hadi tarehe 29 Februari ambapo wanatarajia kwenda mahakamani.

“Naombeni tuondoke kwa amani, jumatatu tutawachukua madiwani watatu na mawakili wetu kwenda mahakamani ili tuombe kuingia kwenye hiyo kesi. Tunaimani tutashinda hata wafanye nini Jiji ni letu,” amesema Mnyika.

CHAMA Cha Mapinduzi (CCM) kwa kushirikiana na Halmashauri ya Jiji la Dar es Salaam wanashiriki kuvuruga utaratibu wa uchaguzi wa Meya wa Jiji hilo, anaandika Happyness Lidiwno. Sara Yohana, Kaimu Mkurugenzi wa Jiji amehairisha tena uchaguzi wa Meya wa jiji hilo kwa mara ya nne sambamba na matakwa ya CCM ambao tangu awali hawakuonesha nia ya kushiriki kwenye uchaguzi huo. Kabla ya kuahirishwa kwa uchaguzi huo, wanachama wa Ukawa walifika mapema na kuingia kwenye Ukumbi wa Kareem Jee huku wanachama wa CCM wakijizoazoa kuingia ukumbini hapo. Theresia Mbando ambaye alikuwa Mwenyekiti wa Mkutano huo, alitoka nje na kuwataka wajumbe hao…

Review Overview

User Rating: Be the first one !
0

About Masalu Erasto

Visit Us On FacebookVisit Us On TwitterVisit Us On Youtube