Benki Kuu ya Tanzania (BoT)

BoT yatuhumiwa mbele ya Rais Magufuli

AMANI Kibondei, Mfanyabiashara wa Ubadilishaji Fedha za Kigeni katika Jiji la Dar es Salaam, ameishtaki Benki Kuu ya Taifa (BoT) kwa Rais John Magufuli, akidai kwamba, baadhi ya maofisa wake wamekuwa wakivuruga biashara hiyo. Anaripoti Bupe Mwakiteleko … (endelea).

Akizungumza katika mkutano wa Rais Magufuli na Wafanyabiashara takribani 1,000 uliofanyika leo tarehe 7 Juni 2019, Ikulu jijini Dar es Salaam, Kibondei amedai kwamba, baadhi ya maofisa wa BoT wamekuwa na desturi ya kuvamia maduka ya ubadilishaji fedha za kigeni na kuchukua fedha hizo.

Kibondei ameeleza kuwa, maofisa hao walivamia katika maduka yake matatu kati ya matano anayomiliki jijini Dar es Salaam, na kubeba fedha zote zilizomo kwenye maduka hayo.

“Mwezi wa pili  mwaka huu BoT walikuja wakavamia na kuchukua fedha zote , kwa kutumia fomu ambazo huwa wanakuja kutukagulia kila mwaka, baada ya wiki moja au siku kumi na nne wanatuletea ripoti kwamba, kuna makosa haya utajirekebishaje ama unalipishwa faini.

“Kilichofanyika sasa ni kwamba, fedha zote wamechukua hawakubakisha hata shilingi mia wakaondoka nazo, nilikuwa na matano yakabaki mawili, hayajakaguliwa. Nimekuta maofisa wamevamia wakachukua kila kitu.”

Mfanyabiashara huyo amelalamika kuwa, alipouliza maofisa hao sababu za kuchukua fedha hizo pasipo kueleza makosa yake, alijibiwa kwamba hatua hiyo ni utekelezwaji wa maagizo kutoka juu.

“Watu wananicheka kwamba, wenzio wamefunga wee unaendelea, unajiamini sana? nikawaambia mimi sina makosa watakagua wanachokitaka, nimetoka BoT nimefika ofisini kwangu, nimekuta wamevamia na kuchukua kila kitu.

“Nikawaambia mi nitaishi vipi? wakasema hata Sh. 50 si tutaitafuta kwa tochi, nikawaeleza nina majukumu nitaishi vipi, wakasema hayo ni maagizo,” amesema Kibondei.

AMANI Kibondei, Mfanyabiashara wa Ubadilishaji Fedha za Kigeni katika Jiji la Dar es Salaam, ameishtaki Benki Kuu ya Taifa (BoT) kwa Rais John Magufuli, akidai kwamba, baadhi ya maofisa wake wamekuwa wakivuruga biashara hiyo. Anaripoti Bupe Mwakiteleko … (endelea). Akizungumza katika mkutano wa Rais Magufuli na Wafanyabiashara takribani 1,000 uliofanyika leo tarehe 7 Juni 2019, Ikulu jijini Dar es Salaam, Kibondei amedai kwamba, baadhi ya maofisa wa BoT wamekuwa na desturi ya kuvamia maduka ya ubadilishaji fedha za kigeni na kuchukua fedha hizo. Kibondei ameeleza kuwa, maofisa hao walivamia katika maduka yake matatu kati ya matano anayomiliki jijini Dar es…

Review Overview

User Rating: Be the first one !

About Bupe Mwakiteleko

error: Content is protected !!
Visit Us On FacebookVisit Us On TwitterVisit Us On YoutubeVisit Us On Instagram