Baada ya Segerea, Mbowe kuongoza Kamati Kuu leo

FREEMAN Mbowe, Mwenyekiti wa Chama cha Demokrasia na Maendeleo (Chadema)-Taifa, pamoja na wajumbe wa Kamati Kuu wanakutana leo tarehe 30 Machi 2019 kujali hali ya kisiasa nchini. Anaripoti Bupe Mwakiteleko…(endelea).

Taarifa iliyotolewa na Tumaini Makene, Mkuu wa Idara ya Habari na Mawasiliano ya chama hicho imeeleza kuwa, kikao hicho ni cha siku moja na kilichofanywa kwa mujibu wa Katiba ya Chadema toleo la mwaka 2016.

Kikao hicho kitaongozwa na Mbowe, ikiwa ni baada ya kukosa vikao kadhaa kutokana na kuwekwa rumande katika Gereza la Segerea tangu Novemba mwaka jana mpaka alipopata dhamana tarehe 7 Machi 2019.

Kazi zinazotarajiwa kufanywa na kamati hiyo ni pamoja na kupokea taarifa na kujadili mwenendo wa kisiasa nchini, na kisha kuchukua mwelekeo baada ya mjadala wa taarifa hiyo.

Kamati Kuu hiyo inakutana ikuwa ni baada ya siku nne viongozi wakuu wa vyama vya upinzani nchini, kukutana na kujadili mwenendo wa hali ya siasa nchini.

Mkutano viongozi hao wakuu uliitishwa baada ya Jeshi la Polisi kuzuia Mkutano wa Chama cha ACT-Wazalendo kwa madai kwamba, Chama cha Wananchi (CUF) kilipanga kufanya vurugu. Mkutano wa viongozi hao ulidumu kwa saa tatu.

Viongozi waliohudhuria mkutano huo uliofanyika katika Makao Makuu ya Chadema, Kinondoni jijini Dar es Salaam ni pamoja na Mbowe; Katibu Mkuu wa Chadema, Dk. Vincent Mashinji; Naibu Katibu Mkuu Zanzibar, Salum Mwalim; Kiongozi wa ACT,  Zitto Kabwe, Mwenyekiti wa ACT-Wazalendo, Yeremia Maganja pamoja na mwanachama mpya wa ACT-Wazalendo, Maalim Seif Shariff Hamad.

 

FREEMAN Mbowe, Mwenyekiti wa Chama cha Demokrasia na Maendeleo (Chadema)-Taifa, pamoja na wajumbe wa Kamati Kuu wanakutana leo tarehe 30 Machi 2019 kujali hali ya kisiasa nchini. Anaripoti Bupe Mwakiteleko…(endelea). Taarifa iliyotolewa na Tumaini Makene, Mkuu wa Idara ya Habari na Mawasiliano ya chama hicho imeeleza kuwa, kikao hicho ni cha siku moja na kilichofanywa kwa mujibu wa Katiba ya Chadema toleo la mwaka 2016. Kikao hicho kitaongozwa na Mbowe, ikiwa ni baada ya kukosa vikao kadhaa kutokana na kuwekwa rumande katika Gereza la Segerea tangu Novemba mwaka jana mpaka alipopata dhamana tarehe 7 Machi 2019. Kazi zinazotarajiwa kufanywa na…

Review Overview

User Rating: Be the first one !

About Bupe Mwakiteleko

error: Content is protected !!
Visit Us On FacebookVisit Us On TwitterVisit Us On YoutubeVisit Us On Instagram